ᐸᐧᑲᐃᔑᒧᐧᐃ ᑭᑭᓄᐊᒪᑫᐧᐃᓇᓐ
ᑯᑕᒃ ᐸᑲᓐ ᐃᔑᑭᐧᔐᐧᐃᓐ ᑲᑭᑭᓄᐊᒪᑯᓯᓇᓂᐧᐊᒃ ᐅᑲᐧᐃᒋᐃᑯᓐ ᑲᑭᑭᓄᐊᒪᑯᓯᒡ ᑲᔦ ᐃᐃᒪ ᑲᐃᔑ ᐱᒥ ᑭᑭᓄᐊᒪᑯᓯᒡ. ᐸᑲᓐ ᐃᔑᑭᐧᔐᐧᐃ ᑭᑭᓄᐊᒪᑫᐧᐃᓐ ᑲᐅᑕᐱᓂᑲᑌᒃ ᒥᓯᐧᐁ ᐃᔑᐧᐃᒋᐃᐧᐁᒪᑲᓐ ᐱᒥᑭᑫᑕᓱᐧᐃᓂᒃ, ᑫᓄᒋᑌᐱᓂᑲᑌᑭᓐ ᐯᐸᑲᓐ ᐊᓄᑭᐧᐃᓇᓐ, ᐅᓐᒋᓂᓯᑕᐧᐁᒋᑲᑌᐧᐊᓐ ᐯᐸᑲᓐ ᐃᓇᑲᓀᓯᐧᐃᓇᓐ, ᑲᔦ ᐅᓐᒋᓇᑲᒋᒋᑲᑌ ᐯᐸᑲᓐ ᐃᔑᒋᑭᐧᔐᓇᓂᐧᐊᒃ. ᐅᐅᒪ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᐅᒋᐸᑭᑎᓂᑲᑌᐧᐊᓐ ᐯᐸᑲᓐ ᐸᐧᑲᐃᔑᑭᐧᔐᐧᐃ ᑭᑭᓄᐊᒪᑫᐧᐃᓇᓐ ᐃᐃᒪ ᑲᐊᑲᔑᔑᐧᐊᒡ ᑲᔦ ᑲᐃᔥᐸᒃ ᑭᑭᓄᐊᒪᑫᐧᐃᓂᒃ ᑲᐃᔑᑭᑭᓄᐊᒪᑯᓯᐧᐊᒡ.
ᐸᐧᑲᐃᔑᒧᐧᐃ ᑭᑭᓄᐊᒪᑫᐧᐃᓐ ᑭᑭᓄᐊᒪᐧᐊᑲᓂᐧᐃᐧᐊᒃ ᑲᑭᓇ ᑭᑭᓄᐊᒪᐧᐊᑲᓇᒃ ᓂᒥᑕᓇ ᑎᐸᐃᑲᓀᔅ ᑕᓱᑭᔑᑲ 4 ᐊᑯᓇᒃ 8 ᑲᐊᐱᒋᑭᑫᑕᓱᐧᐊᒡ ᑲᔦ ᑲᐊᓂ ᐱᒥ ᑭᑭᓄᐊᒪᐧᐃᐧᑕ 9 ᐱᓂᔥ 12 ᑲᐊᐱᒋᐧᐊᒡ. ᑭᑭᓄᐊᒪᐧᐊᑲᓇᒃ ᐊᓐᑕᐧᐁᑕᑯᓯᐧᐊᒃ ᒋᑌᐱᓇᒧᐧᐊᒡ ᐯᔑᒃ ᑯᕃᑎᑦ ᐁᑭ ᑭᔑᑐᐧᐊᒡ ᐸᐧᑲᐃᔑᒧᐧᐃ ᑭᑭᓄᐊᒪᑫᐧᐃᓂ ᒣᐧᑲ 9 ᐊᐱᒋᐧᐃᓐ ᑭᑭᓄᐊᒪᐧᐃᐧᑕ ᒋᑭ ᑭᔑᑐᐧᐊᒡ ᐊᔾ ᔅᑯᓪ.
ᓂᐧᔕᔦᒃ ᐯᐸᑲᓐ ᐃᓇᑌᐧᐊᓐ ᐸᐧᑲᐃᔑᒧᐧᐃ ᑭᑭᓄᐊᒪᑫᐧᐃᓇᓐ: ᐸᐧᑲᐃᔑᒧᐧᐃᑭᐧᔐᐧᐃᓇᓐ ᑕᐱᔥᑯ ᐃᐃᒪ ᑭᑭᓄᐊᒪᑫᓇᓂᐧᐊᓐ. ᐅᓄ ᑎᓄᐧᐃ ᑭᑭᓄᐊᒪᑫᐧᐃᓇᓐ ᐃᐧᓇᑌᐧᐊᓐ ᒋᐧᐃᒋᐃᑯᐧᐊᒡ ᑭᑭᓄᐊᒪᐧᐊᑲᓇᒃ ᒋᑭᑫᑕᒧᐧᐊᒡ ᐸᐧᑲᐃᔑᒧᐧᐃᓂ, ᑲᐧᐃᓐ ᐃᑯ ᐁᑕ ᐃᔑᑭᐧᔐᐧᐃᓂᒃ ᐃᐃᒪ ᐱᑯ ᑲᔦ ᑯᑕᑭᔭᓐ ᑲᑭᑭᓄᐊᒪᑲᓂᐧᐊᒃ ᑫᑯᓇᓐ ᐸᐧᑲᐃᔑᒧᐧᐃᓂᒃ.