ᐅᔥᑭ ᑭᑭᓄᐊᒪᐧᐊᑲᓇᒃ
ᐃᐃᒪ ᑐᕋᓐᑐ ᑭᑭᓄᐊᒪᑫᐧᐃᓂᒃ ᑲᑭᑭᓄᐊᒪᐧᐃᓐᐧᑕ
ᑲᓂᑕ ᑲᐧᑫᐧᑌᓇᓂᐧᐊᒃ ᑫᑯᓇᓐ
1. ᐊᐧᐁᓀᓐ ᑫᑭᐱᓐᑎᑫᒡ ᐅᔥᑭ ᑭᑭᓄᐊᒪᐧᐊᑲᓇᒃ ᑲᐃᔑᑭᑭᓄᐊᒪᑯᓯᐧᐊᒡ
ᑲᑭᓇ ᐊᐱᓄᒋᔥ ᑲᑲᐯᔑᒡ ᑐᕋᓐᑐ ᑭᒋᐅᑌᓇᒃ ᐸᑭᓐᑌᓇᒪᐧᐊᑲᓂᐧᐃ ᒋᐱᓐᑎᑫᒡ ᑐᕋᓐᑐ ᑭᑭᓄᐊᒪᑫᐧᐃᓂᒃ ᐊᐱ ᐧᐊᑌᐸᑲᐧᐃᑭᓯᓱᓐ ᐅᒋᒋᓭᓂᒃ ᒋᐱᓐᑎᑫᒡ ᒍᓂᔪᕐ ᐅᔥᑭ ᑭᑭᓄᐊᒪᐧᐊᑲᓐ ᑕᐊᓐᑕᐧᐁᑕᑯᓯ ᐊᐱᓄᒋᔥ ᒋᓂᐅᐱᐳᓀᒡ ᐊᐱ ᒪᑯᔐᑭᔑᑲᐧᐃᑭᓯᓱᓐ 31 ᐃᐃᐧᐁ ᐊᐱ ᐱᐳᓂᒃ ᐊᐱ ᐧᐊᑌᐸᑲᐧᐃᑭᓯᓱᓐ ᐅᒋᒋᓭᓂᒃ ᒋᐱᓐᑎᑫᒡ ᓯᓂᔪᕐ ᐅᔥᑭ ᑭᑭᓄᐊᒪᐧᐊᑲᓐ ᑕᐊᓐᑕᐧᐁᑕᑯᓯ ᐊᐱᓄᒋᔥ ᒋᓇᓄᐱᐳᓀᒡ ᐊᐱ ᒪᑯᔐᑭᔑᑲᐧᐃᑭᓯᓱᓐ 31 ᐃᐃᐁᐧ ᐊᐱ ᐱᐳᓂᒃ
2. ᐊᐧᐁᓀᓐ ᑫᐱᓐᑎᑫᐱᐧᐊᒡ ᐊᐱᓄᒋᔕᓐ ᒋᐱᓐᑎᑫᓂᒡ ᐅᔥᑭ ᑭᑭᓄᐊᒪᑯᐧᐃᓂᒃ
ᐅᓂᑭᐃᑯᒪ ᑫᒪ ᑲᑭᐅᓇᑭᒪᑲᓂᐧᐃᒡ ᒋᑲᓇᐧᐁᓂᒪᒡ ᐊᐱᓄᒋᔕᓐ ᐧᐃᓀᑕ ᑕᐸᑭᑎᓇᑲᓂᐧᐃ ᒋᐱᓐᑎᑫᐧᐊᒡ ᐊᐱᓄᒋᔕᓐ ᐅᔥᑭ ᑭᑭᓄᐊᒪᑯᐧᐃᓂᒃ
3. ᐊᓇᐱ ᐊᓐᑕᐧᐁᑕᐧᑲᒃ ᒋᐱᓐᑎᑫᐱᐧᐊᒃ ᓂᓂᒐᓂᔅ ᐅᔥᑭ ᑭᑭᓄᐊᒪᑯᐧᐃᓂᒃ
ᐊᐱ ᑲᑕᐧᑲᑭᓱᒡ ᑭᓯᔅ ᑕᐃᔑᒪᒋᓭ ᒋᐱᓐᑎᑫᐱᐅᓐᐧᑕ ᑫᓂᐅᔥᑭ ᑭᑭᓄᐊᒪᐧᐃᓐᐧᑕ ᑲᔦ ᑕᓂᐱᒥ ᐱᓐᑎᑫᐱᐃᑲᓱᐧᐊᒃ ᐱᓂᔥ ᐊᓂᐱᒥ ᑭᔑᐱᓭᒃ ᑭᑭᓄᐊᒪᑫᐧᐃᓐ ᐃᐃᐧᐁ ᑭᐱᐳᒃ ᐸᐯᔑᒃ ᑭᑭᓄᐊᒪᑫᐧᐃᑲᒥᑯᒃ ᐅᑐᓇᑐᓇᐧᐊ ᐊᐱ ᑫᐃᔑ ᐱᓐᑎᑫᐱᐃᑲᓱᐧᐊᒡ ᐃᔑᑭᑭᑐᓐ ᑭᑭᓄᐊᒪᑫᐧᐃᑲᒥᑯᒃ ᒋᐧᐃᓐᑕᒪᑯᔭᓐ ᐊᐱ ᑫᐃᔕᔭᓐ ᑭᑫᓐᑕᓐ ᐅᐅᐧᐁ ᐸᐧᑲᐃᔑᒧᐧᐃᑭᐧᔐᐧᐃ ᑭᑭᓄᐊᒪᑯᐧᐃᓂᒃ ᐱᓐᑎᑫᑯᐧᐃᓐ ᑕᐃᔑᒪᒋᓭ ᒉᓂᐧᐁᕆ ᑭᓯᔅ ᒣᐧᑲ ᐊᐱ ᑭᓂᒐᓂᔅ ᒍᓂᔪᕐ ᐅᔥᑭ ᑭᑭᓄᐊᒪᑯᐧᐃᓂᒃ ᑭᑭᓄᐊᒪᑯᓯᒡ.
4. ᐊᓐᑎ ᐃᓀᑫ ᑭᑭᓄᐊᒪᑫᐧᐃᑲᒥᑯᒃ ᑫᑕᔑ ᑭᑭᓄᐊᒪᑯᓯᒡ ᓂᓂᒐᓂᔅ
ᐧᐃᓇᓇᑕᐧᐃᑭᑫᑕᒪᓐ ᐊᓐᑎ ᑫᑕᔑ ᑭᑭᓄᐊᒪᑯᓯᒡ ᑭᓂᒐᓂᔅ ᐃᔑᑭᑭᑐᓐ 416.394.7526 ᑫᒪ ᐃᓇᐱᓐ ᒪᒪᑲᑕᐱᑯᒃ tdsb.on.ca ᒪᒪᑯᓇᓐ ᐅᐅᒪ Find Your School ᐃᐃᒪ ᐃᔥᐱᒥᒃ ᐸᑭᑭᓂᑲᓂᒃ
5. ᐊᓂᓐ ᑫᐃᔑᓭᒃ ᑭᔥᐱᓐ ᐊᓐᑕᐧᐁᓂᒪᒃ ᓂᓂᒐᓂᔅ ᐸᑲᓐ ᒋᑕᔑ ᑭᑭᓄᐊᒪᑯᓯᒡ ᐊᔕ ᑲᑭᐅᓐᒋ ᐅᓇᐸᒋᑲᑌᒃ ᑲᐃᔑᐱᐃᑲᑌᒃ ᓂᐧᐊᑲᐃᑲᓐ ᑲᐃᔑᑕᐧᑲᒃ ᒋᔑᑭᑭᓄᐊᒪᑯᓯᒡ
ᑲᑭᒧᔥᑭᓀᐱᐊᓐ ᑲᓇᐧᐃᓇᐧᑲᓂᒃ ᑭᑭᓄᐊᒪᑫᐧᐃᑲᒥᑯᒃ ᑲᐃᔑᑲᐯᔑᐧᐊᒡ ᒧᔥᑭᓀᐱᐃᑲᓐ ᑲᐃᓇᑯᓂᑲᑌᒃ ᐅᐅᒪ ᒪᒪᑲᑕᐱᑯᒃ tdsb.on.ca . ᑭᑫᓐᑕᓐ ᐁᐸᑎᓇᑭᓐ ᑭᑭᓄᐊᒪᑫᐧᐃᑲᒥᑯᓐ ᐁᐊᐸᒋᑐᓯᐧᑲ ᐅᐅᐧᐁᓂ ᒧᔥᑭᓀᐱᐃᑲᓂ ᐊᔕ ᐁᑭ ᑎᐱᑕᔑᐧᐊᒡ ᑭᑭᓄᐊᒪᐧᐊᑲᓇᒃ. ᓂᑲᓐ ᐃᔑᒋᑫᓐ ᒋᓇᓇᑕᐧᐃᑭᑫᑕᒪᓐ ᑭᑭᓄᐊᒪᑫᐧᐃᑲᒥᑯᒃ ᑲᐃᔑᒥᓴᐧᐁᓐᑕᒪᓐ ᒋᔑ ᑭᑭᓄᐊᒪᑯᓯᒡ ᑭᓂᒐᓂᔅ ᑭᔥᐱᓐ ᐅᑕᐱᓇᐧᐊᐧᑫᓐ ᐸᑲᓐ ᑲᐃᔑᑲᐯᔑᓂᒡ ᑭᑭᓄᐊᒪᐧᐊᑲᓇᓐ
6. ᐊᓂᓐ ᐊᐱ ᑫᐱᓐᑎᑫᐱᐧᐊᒃ ᓂᓂᒐᓂᔅ ᐸᐧᑲᐃᔑᒧᐧᐃ ᑭᑭᓄᐊᒪᑯᐧᐃᓂᒃ
ᓂᑕᒻ ᐸᐧᑲᐃᔑᒧᐧᐃᓐ ᑭᑭᓄᐊᒪᑯᐧᐃᓐ ᐅᓐᒋ ᒪᒋᑭᑭᓄᐊᒪᐧᐊᑲᓂᐧᐃ ᒣᐧᑲ ᓯᓂᔪᕐ ᐅᔥᑭ ᑭᑭᓄᐊᒪᑯᐧᐃᓂᒃ ᑲᐊᓂᐊᑯᔥᑲᒡ. ᒥᓇᐧᐊ ᐊᔭᒪᑲᓐ ᐅᐅᐧᐁ ᑎᓄᐧᐃ ᑭᑭᓄᐊᒪᑫᐧᐃᓐ ᒋᔑᐸᑭᑎᓇᑲᓂᐧᐃᒡ ᑭᓂᒐᓂᔅ ᐊᐱᑕ ᑭᐊᓂ ᐊᑯᔥᑲᒡ, ᒣᐧᑲ ᐊᐱ ᓂᐧᐃᓐ ᐊᓂᐊᐱᒋ ᑭᑫᓐᑕᓱᒡ. ᑫᔭᐱ ᐧᐃᓇᓇᑕᐧᐃᑭᑫᑕᒪᓐ ᐅᐅᐧᐁ. ᐃᓇᐱᓐ ᒪᒪᑲᑕᐱᑯᒃ ᐅᐅᒪ tdsb.on.ca > Elementary School > School Choices > French Programs
7. ᐧᐁᑯᓀᓐ ᓂᓂᒐᓂᔅ ᐅᑎᐸᒋᒥᑯᐧᐃᓐ ᑫᐱᑕᐧᐊᒃ ᒋᐱᓐᑎᑫᐱᐃᑲᓱᒡ ᐅᔥᑭ ᑭᑭᓄᐊᒪᑯᐧᐃᓂᒃ
ᐊᐱ ᐧᐃᐱᓐᑎᑫᐱᐧᐊᒡ ᑭᓂᒐᓂᒡ ᐅᔥᑭ ᑭᑭᓄᐊᒪᑯᐧᐃᓂᒃ, ᐱᑐᓇᓐ ᑲᑌᐧᐯᒪᑲᑭᓐ ᑲᐧᐃᓐᒋᑫᒪᑲᑭᓐ
- ᑲᑕᓱᐱᐳᓀᒡ ᓂᑕᐧᐃᑭᐧᐃᒪᓯᓇᐃᑲᓐ ᑫᒪ ᓯᑲᐊᑕᓱᒪᓯᓇᐃᑲᓐ ᑫᒪ ᐸᑲᓐ ᐊᑭ ᐱᒥᔭᐧᐃ ᒪᓯᓇᐃᑲᓐ
- ᑲᐃᔑᑲᐯᔑᒡ (ᓂᔑᓐ ᑲᐃᔑᑭᑭᓇᐧᐊᒋᐱᐃᑲᑌᑭᓐ ᑲᐃᔑᑲᐯᔑᔭᓐ ᑕᐱᔥᑯ ᑭ ᑭᑭᑐᐧᐃ ᒪᓯᓇᐃᑲᓐ ᑭᐱᒥᐱᓱᐧᐃ ᒪᓯᓇᐃᑲᓀᔅ ᑫᒪ ᑯᑕᒃ)
- ᑲᑭᐱᔑ ᒐᒋᑕᐧᐊᑲᓂᐧᐃᒡ (ᒪᓯᓇᐃᑲᓂᒃ ᑲᐃᔑᓂᐱᑌᐱᐃᑲᑌᓂᒃ ᑭᓂᒐᓂᔅ ᑲᑭᐱᔑ ᒐᒋᑕᐧᐊᑲᓂᐧᐃᒡ)
8. ᐊᓂᓐ ᑫᐃᔑᓭᒃ ᑭᔥᐱᓐ ᓂᓂᒐᓂᔅ ᐊᐧᑲᒋᒃ ᑲᓇᑕ ᐁᑭᑕᔑ ᓂᑕᐧᐃᑭᒡ
ᑭᔥᐱᓐ ᑭᓂᒐᓂᔅ ᐊᐧᑲᒋᒃ ᑲᓇᑕ ᐁᑭᑕᔑᓂᑕᐧᐃᑭᒡ, ᑲᐊᓐᑕᐧᐁᑕᒪᑯ ᐅᔑᐱᐃᑲᓐ ᐊᐱ ᑲᑭᐱᑭᐧᐁᔥᑲᔭᓐ ᑲᓇᑕ ᐊᑭᒃ ᑎᐯᓐᒋᑫᐧᐃᓇᓐ ᑲᐱᓀᐱᒋᑲᐯᔑᐧᐊᒡ ᑫᒪ ᐅᑕᑭᒥᐧᐊᒃ ᑲᑭᐅᓐᒋᒪᒋᐊᒧᑲᓱᐧᐊᒡ ᑕᑭᐃᔑᒋᑫᐧᐊᒃ ᒋᐱᓐᑎᑫᐱᐧᐊᐧᐊᒡ ᐅᓂᒐᓂᓯᐧᐊ ᑯᑕᑭᔭᒃ ᐃᑕᔥ ᑎᐯᓐᒋᑫᐧᐃᓇᓐ ᐊᓐᑕᐧᐁᑕᑯᓯᐧᐊᒃ ᒋᐱ ᐱᓐᑎᑫᐧᐊᒡ ᒥᓯᐧᐁᑲᒥᒃ ᑲᐅᑕᑲᓀᓯᐧᐊᒡ ᑲᔦ ᐱᓐᑎᑫᐱᐅᑯᐧᐃᓐ ᐊᓄᑭᐧᐃᓐ, International Program and Admissions Office, 5050 Yonge Street ᒋᐱᑐᐧᐊᒡ ᐱᓐᑎᑫᐱᐅᑯᐧᐃ ᐅᔑᐱᐃᑲᓂ. ᐊᐱᓄᒋᔕᒃ ᑲᐊᔭᓯᐧᑲ ᐊᓐᑕᑭᐧᐃ ᒪᓯᓇᐃᑲᓂ ᑕᐸᑭᑎᓇᐧᐊᒃ ᐱᓴᓂᑯ ᒋᐱᑭᑭᓄᐊᒪᑯᓯᐧᐊᒡ ᓂᑭᑭᓄᐊᒪᑫᐧᐃᑲᒥᑯᓇᓐ ᑲᔦ ᐅᑎᐸᒋᒥᑯᐧᐃᓂᐧᐊ ᑲᐧᐃᓐ ᓂᑲᒥᓇᓯᒥᓐ ᐊᓐᑕᑭᐧᐃᑭᒪᒃ ᓂᐱᒥᓂᔕᐊᒥᓐ ᓂᑭᑭᓄᐊᒪᑫᐧᐃ ᐅᓇᑯᓂᑫᐧᐃᓂᓇᓐ P.061 SCH.
9. ᐊᓂᓐ ᑫᐃᔑᓭᒃ ᑭᔥᐱᓐ ᐊᔭᓯᐧᐊᓐ ᑲᑭᓇ ᒪᓯᓇᐃᑲᓇᓐ ᑲᐊᓐᑕᐧᐁᒋᑲᑌᑭᓐ
ᑲᑭᐃᔑᒋᑫ ᒋᔑᓇᓇᑕᐧᐃᑭᑫᑕᒪᓐ ᐃᐃᒪ ᒥᓯᐧᐁᑲᒥᒃ ᑲᐅᑕᑲᓀᓯᐧᐊᒡ ᑲᔦ ᐱᓐᑎᑫᐱᐅᑯᐧᐃᓐ ᐊᓄᑭᐃᐧᓂᒃ ᒋᐃᔕᔭᓐ ᑫᒪ ᒋᔑᑭᑭᑐᔭᓐ ᑫᒪ ᒋᔑᐅᔑᐱᐃᑫᔭᓐ 5050 Yonge Street (ᒥᑕᑲᒥᑲᒃ), ᑭᑭᑐᐧᐃᓐ 416.395.8120, ᐅᔑᐱᐊᒪᑫᐧᐃᓐ admissions@tdsb.on.ca
10. ᐊᓂᓐ ᑫᐃᔑᓭᒃ ᑭᔥᐱᓐ ᓂᓂᒐᓂᔅ ᐊᓐᑕᐧᐁᑕᒃ ᐧᐃᑐᑲᑯᐧᐃᓐ ᐅᒪᑭᐱᒪᑎᓯᐧᐃᓂᒃ
ᑭᔥᐱᓐ ᑭᓂᒐᓂᔅ ᐊᓐᑕᐁᐧᑕᒃ ᐧᐃᑐᑲᑯᐧᐃᓐ ᐅᒪᑭᐱᒪᑎᓯᐧᐃᓂᒃ ᑲᔦ ᑕᔥ ᐁᐧᑫᓇᒃ ᐁᓂᐅᔥᑭ ᑭᑭᓄᐊᒪᑯᓯᒡ ᐃᔑᑭᑭᑐᓐ ᑭᑕᔑᑫᐧᐃᓂᒃ ᑲᑕᐧᑲᒃ ᑭᑭᓄᐊᒪᑫᐧᐃᑲᒥᑯᒃ ᒋᐅᓇᑐᔭᓐ ᐁᐧᐃᓇᑭᔥᑲᐧᐊᐧᑕ ᑭᑭᓄᐊᒪᑫᐧᐃᑭᒪ ᑲᔦ ᑲᐅᓐᒋ ᐸᒥᓇᒃ ᑐᕋᓐᑐ ᑭᑭᓄᐊᒪᑫᐧᐃᓂᒃ ᑲᒪᑭᓯᐧᐊᒡ ᑭᑭᓄᐊᒪᐧᐊᑲᓇᒃ ᐅᑭᑭᓄᐊᒪᑯᐧᐃ ᐧᐃᑐᑲᑯᐧᐃᓂᐧᐊ ᐊᐱ ᑕᔥ ᓇᑭᔥᑲᐧᐃᐧᑲ ᒥᐃᒪ ᑫᐧᐊᐧᐃᓐᑕᒪᐧᐊᐧᑕ ᑲᐃᔑ ᓇᓄᑌᓭᐧᐊᒡ ᐅᑎᐸᒋᒥᑯᐧᐃ ᒪᓯᓇᐃᑲᓇᓐ ᑲᐃᔑᐅᔑᐱᐃᑲᑌᓂᒃ ᑲᔦ ᒋᑕᔑᓐᑕᒪᑎᐁᒃ ᐧᐁᑯᓀᓐ ᑕᐧᑲᑭᓐ ᐧᐃᑐᑲᑫᐧᐃᓇᓐ ᑭᑭᓄᐊᒪᑫᐧᐃᑲᒥᑯᒃ ᑭᓂᒐᓂᔅ ᒋᔑᐧᐃᑐᑲᐧᐊᑲᓂᐧᐃᒡ. ᒋᐱᒥᐧᐃᑐᑲᑎᐁᒃ, ᑲᐅᓐᒋ ᑭᑫᓐᑕᒥᓐ ᐊᓂᓐ ᒪᔭ ᑫᓂᔑ ᐱᒥ ᐧᐃᑐᑲᐧᐊᑲᓂᐧᐃᒡ ᑭᓂᒐᓂᔅ ᐧᐁᐧᐁᓂ ᒋᔑᓭᒃ ᐅᐱᒥ ᑭᑭᓄᐊᒪᑫᐧᐃᓂᒃ
11. ᐧᐁᑯᓀᓐ ᑯᑕᑭᔭᓐ ᐧᐃᓐᑕᒪᑫᐧᐃᓇᓐ ᑫᐊᓐᑕᐧᐁᒋᑲᑌᑭᓐ ᓂᓂᒐᓂᔅ ᐅᑭᑭᓄᐊᒪᑫᐧᐃᑲᒥᑯᒃ
ᐧᐁᐧᐁᓂ ᒋᔑᓭᒡ ᑲᔦ ᒋᐅᒋ ᓇᓂᓴᓂᓯᓯᒃ ᑭᓂᒐᓂᔅ ᒣᐧᑲ ᑭ ᑭᑭᓄᐊᒪᑯᓯᒡ ᐅᐧᐃᑭᑫᓐᑕᓇᐧᐊ ᐅᓄ ᑎᓄᐧᐃ ᑫᑯᓇᓐ
- ᐁᔑᓂᑲᓱᒡ ᑭᓂᒐᓂᔅ ᑭᔥᐱᓐ ᐸᑲᓐ ᐃᔑᓂᑲᓇᑲᓂᐧᐃᐧᑫᓐ ᑲᐃᔑᐱᐃᑲᓱᒡ ᐅᑭᑭᓇᐧᐊᒋᐱᐅᑯ ᒪᓯᓇᐃᑲᓂᒃ
- ᑭᔥᐱᓐ ᑫᑯᓐ ᒪᔑᔥᑲᑯᐧᑫᓐ ᑫᒪ ᑫᑯᓐ ᐃᓇᐱᓀᐧᑫᓐ
- ᐁᔑᐱᐃᑲᑌᓂᒃ ᑭᑭᑐᐊᑭᑕᓱᓇᓐ (ᐅᑲᐯᔑᐧᐃᓂᒃ, ᐅᑭᑕᓄᑭᐧᐃᓂᒃ, ᐅᑭᑭᑐᐧᐃᓀᔅ ᑲᐸᐸᒧᐧᐃᒋᑲᑌᒃ) ᐅᓂᑭᐃᑯᒪᒃ ᑫᒪ ᑲᔦ ᑲᑲᓇᐧᐁᓂᒪᐧᐊᓱᐧᐊᒡ ᑲᑲᓇᐧᐁᓂᒪᐧᐊᒡ ᐊᐱᓄᒋᔕ ᑲᔦ ᐊᐧᐁᓀᓐ ᑫᐱᓇᓇᓯᑲᐧᐊᒡ
- ᐁᔑᓂᑲᓱᒡ ᑲᔦ ᐁᓇᑭᑕᓱᓀᒡ ᒪᔭ ᑲᐅᓐᒋ ᑲᓇᐧᐁᓂᒪᒡ ᐊᐱᓄᒋᔕᓐ
- ᑭᔥᐱᓐ ᐸᐸᔑᓭᐧᐃᓐ ᐅᓐᒋᔑᓭᒡ ᐊᐱᓄᒋᔥ ᑫᑲᓄᓇᑲᓂᐧᐃᒡ ᑲᔦ ᐁᓇᑭᑕᓱᓀᒡ
- ᐁᔑᓂᑲᓱᐧᐊᒡ ᐧᐃᒋᓂᑕᐧᐃᑭᒪᑲᓇᐃ ᐃᐃᒪ ᑫᐧᐃᓇᐧᐊ ᑲᑭᑭᓄᐊᒪᑯᓯᓂᒡ
- ᐃᔑᑭᐧᔐᐧᐃᓇᓐ ᐁᐊᐸᒋᑐᒡ ᐅᑲᐯᔑᐧᐃᓂᒃ
- ᑎᐸᑯᓂᑫᐧᐃᓂᒃ ᑫᒪ ᑎᐱᓇᐧᐁ ᐃᔑᓭᐧᐃᓂᒃ ᑫᑭᐅᓐᒋᒪᔑᓭᐃᑯᒡ ᑭᓂᒐᓂᔅ
ᑭᒋᓀᑕᐧᑲᓐ ᐅᓄ ᑎᓄᐧᐃ ᐧᐃᓐᒋᑫᐧᐃᓇᓐ ᒪᔭ ᒋᐃᔑᐱᐃᑲᑌᑭᓐ. ᐧᐃᓐᑕᓐ ᑭᑭᓄᐊᒪᑫᐧᐃᑲᒥᑯᓐ ᑭᔥᐱᓐ ᑫᑯᓐ ᐅᓐᒋᐊᓐᒋᓭᒃ ᑲᐃᔑᐱᐃᑲᑌᑭᓐ ᐧᐃᓐᒋᑫᐧᐃᓇᓐ ᒣᐧᑲ ᑭᐱᒥ ᑭᑭᓄᐊᒪᑫᐧᐃ ᐊᑭᐧᐊᒃ
ᐅᐅᐧᐁ ᐃᔑᒋᑲᓂᐧᐊᓐ ᑭᐊᓂ ᐱᓐᑎᑫᐱᐃᑲᓱᐧᐊᒡ ᑫᓂ ᑭᑭᓄᐊᒪᑯᓯᐧᐊᒡ ᑲᑲᐧᑫᒋᒥᑯ ᒋᒧᔥᑭᓀᐱᐊᒪᓐ ᐊᐱᓄᒋᔥ ᐅᑎᐸᒋᒥᑯᐧᐃ ᒧᔥᑭᓀᐱᐃᑲᓐ. ᐅᐅᐧᐁ ᒧᔥᑭᓀᐱᐃᑲᓐ ᐃᓇᐸᒋᒋᑲᑌ ᒋᐅᒋ ᑭᑫᓂᒪᑲᓂᐧᐃᒡ ᑭᓂᒐᓂᔅ ᐧᐁᑯᓀᓐ ᐁᔑᒥᐧᓀᑕᒃ ᑲᔦ ᑲᓂᐱᒥᑭᒡ ᐁᓂᔑᔭᒡ ᐅᑲᐧᐃᑐᑲᑯᓐ ᑲᑭᑭᓄᐊᒪᑯᒡ ᒋᑭᑫᓂᒥᑯᒡ ᑫᓂᔑᐅᓇᑐᓂᒡ ᐊᓂᓐ ᑫᓂᔑᐱᒥ ᐧᐃᒋᐊᒡ ᑭᑭᓄᐊᒪᑫᐧᐃᓂᒡ
12. ᐊᓂᓐ ᐁᔑᐱᒥ ᑭᑭᓄᐊᒪᐧᐃᓐᐧᑕ ᐊᐱᓄᒋᔕᒃ ᐅᔥᑭ ᑭᑭᓄᐊᒪᑯᐧᐃᓂᒃ
ᐅᔥᑭ ᑭᑭᓄᐊᒪᑫᐧᐃᓂᒃ ᑲᐃᔑ ᑭᑭᓄᐊᒪᐧᐃᓐᐧᑕ, ᐊᐱᓄᒋᔕᒃ ᐅᐱᒥ ᑭᑭᓄᐊᒪᑯᐧᐊᓐ ᐅᑭᑭᓄᐊᒪᑫᒃ ᐅᑕᒥᓄᐃᑯᐧᐃᓂᒃ ᐯᐸᑲᓐ ᑲᐃᔑᑲᔥᑭᑐᐧᐊᒡ ᑫᓂᔑ ᐱᒥ ᑭᑭᓄᐊᒪᑫᐧᐊᒡ ᐃᐃᒪ ᓂᑯᐧᑕᓱ ᐸᐸᑲᓐ ᐃᓀᑫ: ᐃᔑᑭᐧᔐᐧᐃᓐ ᐊᑭᑕᓱᐧᐃᓐ ᓇᓇᑕᐧᐃᑭᑫᒋᑫᐧᐃᓐ ᑲᔦ ᐅᔥᑭᑫᑯᓇᓐ ᒥᓯᐧᐁ ᐱᒪᑎᓯᐧᐃ ᓇᓇᑲᒋᒋᑫᐧᐃᓐ ᒥᓄᔭᐧᐃᓐ ᑲᔦ ᔐᔕᐧᐃᐸᓂᐅᐧᐃᓐ ᑲᔦ ᒪᓯᓂᐱᐃᑫᐧᐃᑫᑯᓇᓐ
ᒣᐧᑲ ᓂᔓᐱᐳᓐ ᑭᐊᓂ ᐱᒥ ᑭᑭᓄᐊᒪᑯᓯᐧᐊᒡ ᐊᐱᓄᒋᔕᒃ ᐅᑕᓂᐱᒥ ᑭᑫᑕᓇᐧᐊ ᐊᓂᓐ ᑫᓂᐱᒥᑐᑕᒧᐧᐊᒡ ᐅᑕᓂ ᑭᑫᑕᓇᐧᐊ ᓂᑕᐧᐃᐱᐃᑫᐧᐃᓐ ᑲᔦ ᐊᑭᑕᓱᓂᐱᐃᑫᐧᐃᓐ ᐯᑭᔥ ᑲᔦ ᐅᑕᓂ ᑭᒋᓀᑕᓇᐧᐊ ᑲᐱᒥ ᑭᑭᓄᐊᒪᑯᓯᐧᐊᒡ ᑲᔦ ᐅᒥᐧᓀᑕᓇᐧᐊ ᐁᑭᑭᓄᐊᒪᐧᐃᓐᐧᑕ. ᑕᐧᑲᓄᓐ ᑲᔦ ᐃᐃᒪ ᐅᔥᑭ ᑭᑭᓄᐊᒪᑯᐧᐃᓂᒃ ᒋᓇᓇᑐᓂᑫᑕᒪᐧᐃᐧᑕ ᐊᐱᓄᒋᔕᒃ ᑲᐃᔑᐸᑭᑎᓂᑲᑌᑭᓐ ᐯᐸᑲᓐ ᐃᔑᑭᑭᓄᐊᒪᑫᐧᐃᓇᓐ ᑕᐱᔥᑯ ᐅᑕᒥᓄᐧᐃᓐ ᐅᔑᐱᐃᑫᐧᐃᓐ ᐊᑭᑕᓱᓂᐱᐃᑫᐧᐃᓐ ᒪᓯᓇᐃᑲᓇᓐ ᑲᐱᒥᐊᑭᒋᑲᑌᑭᓐ ᔑᔓᐱᑲᐃᑫᐧᐃᓐ ᑲᔦ ᒪᓯᓂᐱᐃᑫᐧᐃᓐ ᑲᔦ ᐯᐸᑲᓐ ᑫᑯᓇᓐ ᑲᐊᐸᒋᑕᒧᓂᐧᑕ ᑕᐱᔥᑯ ᓀᐧᐊᓐᒃ, ᓂᐱ ᑲᔦ ᐅᔑᒋᑲᓂ ᐊᐸᒋᑕᑲᓇᓐ
ᐊᐱ ᐧᐊᑌᐸᑲᐧᐃᑭᓯᔅ 2014 ᐊᓂᐅᒋᒋᓭᒃ ᑲᑭᓇ ᑲᐅᔥᑭ ᑭᑭᓄᐊᒪᑯᓯᐧᐊᒡ ᐊᐱᓄᒋᔕᒃ ᑲᐅᓐᒋᐸᒥᓂᑲᑌᑭᓐ ᑕᐃᓇᒋᑲᑌ ᑲᐯᑭᔑᑲ ᒋᐱᒥ ᑭᑭᓄᐊᒪᑯᓯᐧᐊᒡ ᑲᐅᔥᑭ ᑭᑭᓄᐊᒪᑯᓯᐧᐊᒡ ᐊᐱᓄᒋᔕᒃ ᓂᑕᒻ ᑲᑭᐅᓇᓯᓇᐃᑲᑌᒃ 2010-2011 (edu.gov.on.ca).
13. ᐊᓂᓐ ᑫᐃᔑᒋᑫᔭᓐ ᒋᐸᐸᒥᓯᔭᓐ ᓂᓂᒐᓂᔅ ᐅᑭᑭᓄᐊᒪᑯᐧᐃᓂᒃ
ᐸᑎᓇᑎᓐ ᑫᑯᓇᓐ ᑫᑭᐃᔑ ᐧᐊᐧᐃᑐᑲᑫᐊᐸᓐ ᑭᓂᒐᓂᔅ ᐅᑭᑭᓄᐊᒪᑯᐧᐃᓂᒃ ᑲᔦ ᐊᓂᓐ ᑫᑭᐃᔑᐧᐃᑐᑲᐧᐊᒡ ᑭᓂᒐᓂᒡ ᐧᐁᐧᐁᓂ ᒋᔑᓭᒡ ᐅᑭᑭᓄᐊᒪᑯᐧᐃᓂᒡ
- ᑕᓱᑭᔑᑲ ᐧᐊᐧᐃᓐᑕᒪᐤ ᑭᓂᒐᓂᔅ ᐅᑭᑭᓄᐊᒪᑯᐧᐃᓐ
- ᐊᑭᓐᒋᑫᑕᒪᐤ ᑭᓂᒐᓂᔅ
- ᑭᑕᑭᓐᑕᒪᐤ ᑭᓂᒐᓂᔅ ᑲᐃᔑᑲᔥᑭᑐᒡ ᐅᑕᓄᑭᐧᐃᓐ ᑫᓄᒋᒪᔥᑲᐧᐁᓐᑕᒃ ᑲᑭᑭᓄᐊᒪᑯᓯᒡ
- ᐊᓂᐅᔑᐱᐊᓐ ᐊᓐᑎ ᑭᓂᒐᓂᔅ ᐁᔑᓇᑲᒋᒡ ᐅᑭᑭᓄᐊᒪᑯᐧᐃᓂᒃ ᑲᔦ ᐊᓐᑎ ᐁᔑᓴᓇᑭᐃᑯᒡ ᑫᑭᐃᔑᐧᐃᑐᑲᐧᐊᑲᓂᐧᐃᒡ ᐧᐃᓐᑕᒪᐤ ᐅᐧᐁᓂ ᑲᑭᑭᓄᐊᒪᑯᒡ
- ᑫᑭᓐ ᐃᔕᓐ ᐊᐱ ᑲᐅᓇᒋᑲᑌᒃ ᐅᓂᑭᐃᑯᒪ ᑲᔦ ᑭᑭᓄᐊᒪᑫ ᐅᓇᑭᔥᑲᑎᐧᐃᓂᐧᐊ
- ᑫᑭᓐ ᑕᐧᑭᓐ ᑭᓄᐊᒪᑫᐧᐃᑲᒥᑯᒃ ᑫᑯᓇᓐ ᑲᐃᔑᒋᑫᓇᓂᐧᐊᒃ ᑲᔦ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ.
- ᐧᐊᐧᐃᑐᑲᑫᓐ ᑭᑭᓄᐊᒪᑫᐧᐃᓂᒃ ᑫᑭᓐ ᐃᐃᒪ ᒋᑕᐧᑭᔭᓐ ᑲᐃᔑᒧᒋᐊᓄᑭᑕᒪᑫᓇᓂᐧᐊᒃ
14. ᐊᓐᑎ ᑫᐅᓐᒋ ᑭᑫᓐᑕᒪᓐ ᐊᓂᓐ ᐁᓂᔑᐱᒋᓂᔥᑲᒡ ᓂᓂᒐᓂᔅ ᐅᑭᑭᓄᐊᒪᑯᐧᐃᓂᒃ
ᑲᑭᑭᓄᐊᒪᑯᒡ ᑭᓂᒐᓂᔅ ᑲᐱᒥ ᐧᐊᐧᐃᓐᑕᒪᒃ ᐯᐸᑲᓐ ᑫᑯᓇᓐ ᑲᐃᔑᐱᒥ ᑭᑭᓄᐊᒪᐧᐊᒡ ᐃᐃᐧᐁ ᑲᐱᒥ ᑭᑭᓄᐊᒪᑫᐧᐃ ᐱᐳᓂᒃ ᐊᐱ ᑲᐅᓇᒋᑲᑌᒃ ᒋᓇᑭᔥᑲᐧᐊᑲᓂᐧᐃᒡ ᐅᑭᑭᓄᐊᒪᑫ ᑫᒪ ᑲᔦ ᐊᐱᐱᑯ. ᐊᐱ ᑲᐅᓇᒋᑲᑌᒃ ᐅᓂᑭᐃᑯᒪ ᑲᔦ ᑭᑭᓄᐊᒪᑫ ᐅᓇᑭᔥᑲᑎᐧᐃᓂᐧᐊ ᑲᔦ ᑲᑭᐧᐁᐧᐃᑐᐧᐊᒡ ᑭᑭᓄᐊᒪᐧᐊᑲᓇᒃ ᐅᑭᑭᓄᐊᒪᑯᐧᐃ ᐊᓄᑭᐧᐃ ᑎᐸᒋᒥᑯᐧᐃᓂᐧᐊ ᒥᐃᒪ ᑫᐧᐊᐧᐃᓐᑕᒪᐧᐃᒃ ᑭᑭᓄᐊᒪᑫ ᐊᓂᓐ ᑭᓂᒐᓂᔅ ᐁᓂᔑᐱᒥ ᑲᔥᑭᐅᒡ ᐅᑕᓄᑭᐧᐃᓐ ᑭᓐ ᑕᔥ ᒪᔭ ᑭᑭᑫᓂᒪ ᑭᓂᒐᓂᔅ ᑭᑲᑲᓱᒥᑯ ᒋᐅᒋ ᐱᒥ ᐧᐊᐧᐃᓐᑕᒪᐧᐃᒪᒡ ᑲᑭᑭᓄᐊᒪᑯᒡ ᒣᐧᑲ ᑭᐱᒥ ᑭᑭᓄᐊᒪᑯᓯᒡ ᑭᓂᒐᓂᒡ ᐃᐃᐧᐁ ᐯᔑᑯᐱᐳᓐ
15. ᐧᐁᑯᓀᓐ ᐁᑕᐧᑲᑭᓐ ᒋᐧᐸ ᑲᔦ ᑲᐃᔥᐧᑲ ᑭᑭᓄᐊᒪᑯᓯᓇᓂᐧᐊᒃ ᑎᓄᐧᐃ ᐧᐃᑐᑲᑫᐧᐃᓇᓐ
ᑕᐧᓴ ᑲᐱᒪᑭᓱᒡ ᑲᑕᐧᑲᑭᓱᒡ ᑭᓯᔅ ᓂᑕᔭᑭᓀ ᑲᐧᑫᒋᒪᒥᓐ ᑲᐅᓂᒐᓂᓯᐧᐊᒡ ᑲᔦ ᑲᑲᓇᐧᐁᓂᒪᐧᐊᒡ ᒍᓂᔪᕐ ᑲᔦ ᓯᓂᔪᕐ ᐅᔥᑭ ᑭᑭᓄᐊᒪᑫᐧᐃᓂᒃ ᑲᑭᑭᓄᐊᒪᑯᓯᓂᒡ ᑭᔥᐱᓐ ᒥᓴᐧᐁᓐᑕᒧᐧᐊᐧᑫᓐ ᒋᐱᒥᑎᐸᐊᒧᐧᐊᒡ ᒋᐧᐸ ᑲᔦ ᑲᐃᔥᐧᑲ ᑭᑭᓄᐊᒪᑯᓯᓇᓂᐧᐊᒃ ᑎᓄᐧᐃ ᐧᐃᑐᑲᑫᐧᐃᓇᓐ ᒪᔭ ᑲᑭᐅᓇᒋᑲᑌᓂᑭᓐ ᒋᐧᐃᑐᑲᐧᐃᐧᑕ ᑲᐅᔥᑭ ᑭᑭᓄᐊᒪᑯᓯᐧᐊᒡ ᐅᓄ ᐧᐃᑐᑲᑫᐧᐃᓇᓐ ᐸᑲᓐ ᐅᓐᒋᐸᒥᓂᑲᑌᐧᐊᓐ ᐃᐃᒪ ᑭᑭᓄᐊᒪᑫᐧᐃᑲᒥᑯᒃ ᐅᐅᐧᐁ ᐧᐃᑐᑲᑫᐧᐃᓐ ᐃᔑᐊᓄᑭᒪᑲᓐ 7:00 a.m. ᐊᑯᓇᒃ 9:00 a.m . ᐁᑭᔐᐸᐧᐊᑲᒃ ᑲᔦ 3:30 ᐊᑯᓇᒃ 6:00 p.m ᐊᓄᓇᑯᔑᒃ ᔕᑯᒡ ᑲᐧᐃᓐ ᒪᔭ ᑎᐸᐃᑲᓐ ᒋᔑᐱᒥᐊᓄᑲᒋᑲᑌᒃ ᐅᐅᒪ ᑲᑭᐅᔑᐱᐃᑲᑌᒃ
ᑭᓇᐧᐊ ᑲᐅᓂᑭᐃᑯᒪᐧᐃᔦᒃ ᑲᔦ ᑲᑲᓇᐧᐁᓂᒪᐧᐊᓱᐁᒃ ᑲᒥᓂᑯᓇᐧᐊ ᒋᐧᐸ ᑲᔦ ᑲᐃᔥᐧᑲ ᑭᑭᓄᐊᒪᑯᓯᓇᓂᐧᐊᒃ ᐧᐃᑐᑲᑫᐧᐃᓐ ᑲᐧᑫᒋᒥᐧᐁᐧᐃᓐ ᐊᐱ ᐱᐱᓐᑎᑫᐱᐧᐊᒡ ᑭᓂᒐᓂᔅ ᐅᔥᑭ ᑭᑭᓄᐊᒪᑯᐧᐃᓂᒃ ᐃᐃᒪ ᑭᑭᓄᐊᒪᑫᐧᐃᓂᒃ ᑭᑕᔑᑫᐧᐃᓂᒃ ᒪᒥᑲᐧᐃᓐ ᒋᐸᑭᑎᓇᒪᓐ ᑲᐧᑫᒋᒥᑯᐧᐃ ᒪᓯᓇᐃᑲᓐ ᑭᑭᓄᐊᒪᑫᐧᐃᑲᒥᑯᓐ ᒋᐧᐸ ᐊᓂᐳᓇᑭᓱᒡ ᑲᑕᐧᑲᑭᓱᒡ ᑭᓯᔅ ᑲᐧᐃᓐᑕᒪᑯ ᑕᔥ ᐊᐱ ᓂᑭᑭᓯᔅ ᑭᔥᐱᓐ ᑌᐱᓭᐧᐊᐧᑫᓐ ᑯᑕᑭᔭᓐ ᐅᓂᑭᐃᑯᒪᒃ ᑲᔦ ᑲᑲᓇᐧᐁᓂᒪᐧᐊᓱᐧᐊᒡ ᐅᐅᐧᐁ ᒋᑐᒋᑲᑌᒃ ᐧᐃᑐᑲᑫᐧᐃᓐ