ᐅᔥᑭ ᑭᑭᓄᐊᒪᐧᐊᑲᓇᒃ
ᐃᐃᒪ ᑐᕋᓐᑐ ᑭᑭᓄᐊᒪᑫᐧᐃᓂᒃ ᑲᑭᑭᓄᐊᒪᐧᐃᓐᐧᑕ ᐁᓇᓄᑲᑌᒃ ᐅᐅᐧᐁ ᐊᓄᑭᐧᐃᓐ
ᐊᐱᒋ ᑕᒋᑫᓐᑕᒻ ᑭᓂᒐᓂᔅ ᐊᐱ ᐊᓂᐅᔥᑭ ᑭᑭᓄᐊᒪᑯᓯᒡ. ᐅᐅᒪ ᑐᕋᓐᑐ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑕᐸᑎᓇᑎᓐ ᑭᓂᒐᓂᔅ ᑫᓄᒋᑌᐱᓇᒃ ᑭᑫᓐᑕᓱᐧᐃᓐ ᐅᔥᑭᑲᔥᑭᐅᐧᐃᓇᓐ ᑲᔦ ᐅᑲᒥᑲᐧᐊᓐ ᑫᒥᓄᐧᐃᒋᐧᐃᑯᒡ
ᑲᐯᑭᔑᑲ ᐅᔥᑭ ᑭᑭᓄᐊᒪᐧᐊᑲᓇᒃ ᐅᑭᑭᓄᐊᒪᑯᐧᐃᓂᐧᐊ ᐸᑭᑎᓂᑲᑌ ᐁᐅᓂᔑᔑᓂᒃ ᑲᔦ ᐁᐱᓴᓀᑕᐧᑲᓂᒃ ᑫᑕᔑ ᑭᑭᓄᐊᒪᑯᓯᐧᐊᒡ ᑲᑭᓇ ᑲᑕᓱᐸᐯᔑᑯᐧᐊᒡ ᐊᐱᓄᒋᔕᒃ ᐧᐁᐧᐁᓂ ᒋᐅᒋ ᐅᔥᑭᒪᒋᑕᐃᐧᑕ. ᐃᐃᒪ ᓂᑐᒋᒪᒋᑕᐊᒥᓐ ᓇᓇᑕᐧᐃᑭᑫᒋᑫᐧᐃᓂᒃ ᑲᔦ ᓂᑐᑕᒥᓄᐊᒪᒥᓇᒃ ᑫᓄᒋᐧᐃᒋᐃᑯᐧᐊᒡ ᐃᓂ ᒪᔭ ᓂᑯᐧᑕᓱᔦᒃ ᑭᑭᓄᐊᒪᑫᐧᐃᓂᒃ ᐃᔐᑭᐧᔐᐧᐃᓐ ᐊᑭᑕᓱᐧᐃᓐ ᓇᓇᑕᐧᐃᑭᑫᒋᑫᐧᐃᓐ ᑲᔦ ᐅᔥᑭᑫᑯᓇᓐ ᒥᓯᐧᐁ ᐱᒪᑎᓯᐧᐃ ᓇᓇᑲᒋᒋᑫᐧᐃᓐ ᒥᓄᔭᐧᐃᓐ ᑲᔦ ᔐᔕᐧᐃᐸᓂᐅᐧᐃᓐ ᑲᔦ ᒪᓯᓂᐱᐃᑫᐧᐃᑫᑯᓇᓐ
ᐃᔑᑭᐧᔐᐧᐃᓐ
ᐊᐱᓄᒋᔕᒃ ᑕᓂᔑᒋᑫᐊᑲᓂᐧᐃᐧᐊᒃ:
- ᒋᐊᓂᑲᔥᑭᑐᐧᐊᒡ ᑲᐊᓂᒪᒋᓂᓯᑕᐧᐃᓂᑲᑌᒃ ᐊᑭᓐᒋᑫᐧᐃᓐ;
- ᒋᐧᐊᐧᐃᓐᑕᒪᑎᒃ ᑲᐃᓀᑕᒧᐧᐊᒡ ᒣᐧᑲ ᑭᑲᑭᑭᑐᐧᐊᒡ, ᑭᒪᓯᓂᐱᐃᑫᐧᐊᒡ, ᔑᔓᐱᑲᐃᑫᐧᐊᒡ ᑲᔦ ᐅᔑᐱᐃᑫᐧᐊᒡ; ᑲᔦ,
- ᒋᐊᓂᑲᔥᑭᑐᐧᐊᒡ ᐧᐃᓀᑕᐧᐊ ᒋᐊᑭᓐᒋᑫᐃᑎᓱᐧᐊᒡ.
ᐊᑭᑕᓱᐧᐃᓐ
ᐊᐱᓄᒋᔕᒃ ᑕᓂᔑᒋᑫᐊᑲᓂᐧᐃᐧᐊᒃ
- ᒋᐊᓂᑲᔥᑭᑐᐧᐊᒡ ᒋᑎᐸᑭᓐᒋᑫᐧᐊᒡ, ᒋᑎᐸᐧᑲᐃᑫᐧᐊᒡ ᒋᒪᐧᐊᑐᓂᑫᐧᐊᒡ ᑲᔦ ᒋᑭᑭᓇᐧᐊᒋᒋᑫᐧᐊᒡ
- ᒋᐊᓂᐱᒋᓂᑭᑫᑕᒧᐧᐊᒡ ᒋᐅᒋ ᓂᓯᑕᐧᐃᓇᒧᐧᐊᒡ ᑲᔦ ᒋᓇᓇᑲᐧᐃᓇᑯᑐᐧᐊᒡ; ᑲᔦ
- ᒋᓂᒪᒥᐧᓇᒋᑫᐧᐊᒡ ᒋᐧᐊᐧᐃᓐᑕᒪᑎᐧᐊᒡ ᐅᑎᓀᑕᒧᐧᐃᓂᐧᐊ ᑲᔦ ᒋᐧᐃᓐᑕᒧᐧᐊᒡ ᑲᐧᐊᐸᑕᒧᐧᐊᒡ ᑫᑯᓇᓐ
ᓇᓇᑕᐧᐃᑭᑫᒋᑫᐧᐃᓐ ᑲᔦ ᐅᔥᑭᑫᑯᓇᓐ
ᐊᐱᓄᒋᔕᒃ ᑕᓂᔑᒋᑫᐊᑲᓂᐧᐃᐧᐊᒃ
- ᒋᐊᓂ ᓂᓯᑕᐧᐁᑕᒧᐧᐊᒡ ᐊᓂᓐ ᐅᔥᑭᑫᑯᓇᓐ ᐁᔑᐧᐃᒋᐃᑯᔭᒃ ᑲᐱᒪᑎᓯᔭᒃ ᐃᐃᒪ ᓇᓇᑕᐧᐃᑭᑫᒋᑫᐧᐃᓂᒃ ᑲᔦ ᐅᔑᒋᑫᐧᐃᓂᒃ
- ᒋᑐᑕᒧᐧᐊᒡ ᓇᓇᑕᐧᐃᑭᑫᒋᑫᐧᐃᓇᓐ ᒋᐊᐸᒋᑐᐧᐊᒡ ᐅᑲᔥᑭᐅᐧᐃᓂᐧᐊ (ᐅᓇᓇᑕᐧᐃᑭᑫᑕᒧᐧᐃᓂᐧᐊᒃ ᐅᑐᓇᒋᑫᐧᐃᓂᐧᐊ ᓂᑲᓐ ᐅᓀᑕᒧᐧᐃᓐ, ᓇᓇᑲᑕᐧᐊᐸᒋᑫᐧᐃᓐ, ᑲᔦ ᑲᑭᑭᑐᐧᐃᓂᒃ); ᑲᔦ,
- ᒋᓇᓇᑕᐧᐃᑭᑫᑕᒧᐧᐊᒡ ᑲᔦ ᒋᑲᓇᐧᐁᓐᑕᒧᐧᐊᒡ ᑲᐊᐃᔑᓇᐧᑲᓂᒃ ᐅᑕᑭᒥᐧᐊ
ᒥᓯᐧᐁ ᐱᒪᑎᓯᐧᐃ ᓇᓇᑲᒋᒋᑫᐧᐃᓐ
ᐊᐱᓄᒋᔕᒃ ᑕᓂᔑᒋᑫᐊᑲᓂᐧᐃᐧᐊᒃ
- ᒋᐧᐊᐸᑕᐃᐧᑕ ᑫᓂᔑᓇᔥᑭᐅᐧᐊᒡ ᐊᓐᑎ ᑫᓄᒋ ᐧᐃᒋᐃᑯᐧᐊᒡ ᒋᐧᐊᐧᐃᒋᐧᐊᐧᐊᒡ ᑲᐧᐃᒋ ᑭᑭᓄᐊᒪᑯᓯᒪᐧᐊᒡ ᑲᔦ ᑲᑭᒋᐊᐧᐃᐧᐊᒡ
- ᒋᓂᓯᑕᐧᐃᓇᒧᐧᐊᒡ ᑲᔦ ᐊᓂᓐ ᑫᐃᔑᑲᓇᐧᐊᐸᑕᒧᐧᐊᒡ ᑲᐃᓀᑕᒥᓂᒡ ᑯᑕᑭᔭᓐ ᐊᐧᐃᔭᓐ ᑲᔦ,
- ᒋᐊᓂᑭᑫᓐᑕᒧᐧᐊᒡ ᒋᒪᓀᑌᓐᒋᑫᐧᐊᒡ ᑲᔦ ᒋᑭᒋᓀᓐᑕᒪᑫᐧᐊᒡ ᑲᐃᔑᐸᐸᑲᓂᓯᓇᓂᐧᐊᓂᒃ
ᒥᓄᔭᐧᐃᓐ ᑲᔦ ᔐᔕᐧᐃᐸᓂᐅᐧᐃᓐ
ᐊᐱᓄᒋᔕᒃ ᑕᓂᔑᒋᑫᐊᑲᓂᐧᐃᐧᐊᒃ
- ᑕᐧᐊᐧᐃᒋᐃᐧᐁᐧᐊᒃ ᑕᓱᑭᔑᑲ ᑲᐃᔑᒋᑫᐃᐧᑕ ᑫᓄᒋ ᒪᔥᑲᐧᐃᓯᐧᐊᒡ, ᒋᒪᔥᑲᐧᐃᑲᐸᐧᐃᐧᐊᒡ, ᑲᔦ ᑫᐅᓐᒋ ᒥᓄᒪᓐᒋᐅᐧᐊᒡ ᒋᐱᒥᐃᔑᒋᑫᐃᓐᐧᑕ; ᑲᔦ,
- ᑕᑕᔑᑕᒪᐧᐊᑲᓂᐧᐃᐧᐊᒃ ᒥᒋᒪᓐ ᑲᒥᓄᔥᑲᑫᒪᑲᑭᓐ ᒋᒥᒋᐧᐊᒡ ᑲᔦ ᐁᑭᒋᓀᑕᐧᑲᓂᒃ ᒋᐧᐊᐧᐊᑲᐧᐃᐧᐊᒡ.
ᒥᓯᐧᐁ ᐱᒪᑎᓯᐧᐃ ᓇᓇᑲᒋᒋᑫᐧᐃᓐ
ᐊᐱᓄᒋᔕᒃ ᑕᓂᔑᒋᑫᐊᑲᓂᐧᐃᐧᐊᒃ:
- ᒋᐅᒋᐧᐊᐸᑕᐃᐧᐁᐧᐊᒡ ᐯᐸᑲᓐ ᑐᑕᒧᐧᐃᓇᓐ ᑲᔦ ᑲᑭᑕᐧᐃᐃᓀᑕᒧᐧᐃᓐ ᐃᐃᒪ ᒪᓯᓂᐱᐃᑫᐧᐃᓂᒃ ᑭᑐᒋᑫᐧᐃᓂᒃ ᐅᑕᒥᓄᐧᐃᓂᒃ ᑲᔦ ᓂᒥᐧᐃᓂᒃ
- ᒋᐧᐊᐧᐃᓐᑕᒪᑎᐧᐊᒡ ᑲᐃᓀᑕᒧᐧᐊᒡ ᑲᔦ ᐯᐸᑲᓐ ᑲᐃᔑᓇᒧᐧᐊᒡ ᐯᐸᑲᓐ ᑎᓄᐧᐃ ᐃᔑᒪᒋᐧᐃᓇᓐ; ᑲᔦ
- ᒋᑭᑭᓄᐊᒪᐧᐃᓐᐧᑕ ᐯᐸᑲᓐ ᐅᓐᑕᑲᓀᓯᐧᐃᓇᓐ ᑌᑎᐸᑲᒥᒃ ᑕᑯ ᑫᐧᐃᓇᐧᐊ ᐅᑐᑕᑲᓀᓯᐧᐃᓂᐧᐊ
ᐅᑕᒥᓄᐃᑯᐧᐃᓂᒃ ᑲᐅᒋᐱᒥ ᑭᑭᓄᐊᒪᑯᓯᐧᐊᒡ
ᐅᑕᒥᓄᐃᑯᐧᐃᓂᒃ ᑲᐅᒋᐱᒥ ᑭᑭᓄᐊᒪᑯᓯᐧᐊᒡ ᑲᔦ ᑲᐱᒥ ᓇᓇᑕᐧᐃᑭᑫᓂᒥᐧᑕ ᐅᑐᒋᐧᐃᒋᐃᑯᓇᐧᐊ ᐊᐱᓄᒋᔕᒃ ᑲᓂᒪᒋᑭᑭᓄᐊᒪᐧᐃᐧᑕ ᐃᐃᒪ ᐃᓀᑫ ᒪᐧᐊᒡ ᒪᒥᓄᓂᑫᐧᐃᓂᒃ ᒋᔑᑲᔥᑭᑐᒡ, ᒋᐊᓂᐃᔥᐸᓂᒃ ᐅᑲᑭᑕᐧᐃ ᒪᒥᑐᓀᑕᒧᐧᐃᓐ ᑫᓂᔑᑭᑫᑕᒃ ᑫᓂᑐᑕᒃ ᑲᔦ ᑫᓄᒋ ᐱᒋᓂᑭᑫᓐᑕᓱᒡ. ᑲᑭᑭᓄᐊᒪᑫᐧᐊᒡ ᓂᑲᓐ ᐅᓇᒋᑫᐧᐊᒃ ᐊᓂᓐ ᑫᓂᔑᐱᒥ ᑭᑭᓄᐊᒪᐧᐊᐧᐊᒡ ᐊᐱᓄᒋᔕᒃ ᒋᐱᒥᐊᓄᑲᑕᒧᐧᐊᒡ ᑐᑕᒧᐧᐃᓂᒃ ᑲᔦ ᓇᓇᑲᑕᐧᐁᑕᒧᐧᐃᓂᒃ ᐅᑭᑭᓄᐊᒪᑯᐧᐃᓂᐧᐊᒃ
ᑫᔭᐱ ᐧᐃᓇᓇᑕᐧᐃᑭᑫᑕᒪᓐ ᐅᔥᑭ ᑭᑭᓄᐊᒪᑯᓯᐧᐃᓐ ᐃᐃᒪ ᑐᕋᓐᑐ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑕᑯ ᑲᔦ ᐅᔥᑭ ᐸᐧᑲᐃᔑᒧᐧᐃ ᑭᑭᓄᐊᒪᑫᐧᐃᓐ ᐃᓇᐱᓐ ᒪᒪᑲᑕᐱᑯᒃ ᐅᐅᒪ tdsb.on.ca/kindergarten