ᑲᐸᑲᓇᑌᓂᒃ ᐅᑭᑭᓄᐊᒪᑯᐧᐃᓂᐧᐊ
ᑲᐸᑲᓇᑌᓂᒃ ᐅᑭᑭᓄᐊᒪᑯᐧᐃᓂᐧᐊ ᐅᑐᓐᒋᐧᐃᑐᑲᑯᓇᐧᐊ ᑲᑭᓇ ᑭᑭᓄᐊᒪᐧᐊᑲᓇᒃ ᒋᐊᓂᑌᐱᓇᒪᓱᐧᐊᒡ ᑲᔥᑭᐅᐧᐃᓂ. ᑲᑕᔑ ᑭᑭᓄᐊᒪᑫᓇᓂᐧᐊᒃ ᐊᔭᐧᐊᓐ ᐯᐸᑲᓐ ᐊᓱᔥᑲᒪᑫᐧᐃᓇᓐ ᑲᔦ ᐧᐃᑐᑲᑫᐧᐃᓇᓐ ᐁᐧᐃᒋᐃᐧᑕ ᑭᑭᓄᐊᒪᐧᐊᑲᓇᒃ ᑕᑯ ᐅᑎᓇᐧᐁᒪᑲᓂᐧᐊ.
ᐅᐅᐧᐁ ᓂᑎᔑᒋᑫᒥᓐ ᑫᒋᓇᒡ ᒋᑐᒋᑲᑌᑭᓐ ᐃᓇᓄᑭᐧᐃᓇᓐ:
- ᑲᑭᓇ ᑭᑭᓄᐊᒪᐧᐊᑲᓇᒃ ᑲᒪᔭᑭᔭᐧᐊᒡ ᐅᑕᐱᓇᑲᐧᐃᐧᐊᒃ ᐅᐅᒪ, ᑕᑯᓇᑲᐧᐃᓂᐧᐊᒃ ᑲᔦ ᐱᒥᐧᐃᑐᑲᐧᐊᑲᓂᐧᐃᐧᐊᒃ
- ᑭᐅᔑᒋᑲᑌᐧᐊᓐ ᑫᐃᔑᐱᒥ ᑭᑭᓄᐊᒪᐧᐃᐧᑕ ᑭᑭᓄᐊᒪᐧᐊᑲᓇᒃ ᐧᐃᓇᐧᐊ ᑎᐱᓇᐧᐁ ᑲᐃᔑᑲᔥᑭᐅᐧᐊᒡ ᑲᔦ ᑲᐃᔑᓄᑌᓭᐧᐊᒡ ᒥᓯᐧᐁ ᑲᐊᔭᑭᓐ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ
- ᑲᒥᓄᓭᑭᓐ ᒪᒪᐧᐊᓄᑭᐧᐃᓇᓐ ᑲᔦ ᑫᑯᓇᓐ ᑲᒪᔑᓭᑭᓐ ᑫᐃᔑᒥᓄᓇᒧᐧᐊᒡ ᐊᓄᑭᐊᑲᓇᒃ, ᐅᓂᑭᐃᑯᒪᒃ ᑲᔦ ᑕᔑᑫᐧᐃᓂᒃ ᐊᐱᐱᑯ ᓂᑲᓐ ᑲᓇᐧᐊᐸᒋᑲᑌ
- ᓂᑕᓄᑭᐧᐃᑲᒥᑯᓇᓐ ᑕᐧᐃᓂᑲᑌᐧᐊᓐ ᒋᑭᐱᓐᑎᑫᐧᐊᒡ ᑭᑭᓄᐊᒪᐧᐊᑲᓇᒃ, ᑎᐯᓐᒋᑫᐧᐃᓇᓐ, ᐊᓄᑭᐊᑲᓇᒃ ᑲᔦ ᑕᔑᑫᐧᐃᓂᒃ ᑲᑲᐯᔑᐧᐊᒡ ᐊᐱᐱᑯ
- ᑲᓇᓇᑕᐧᐃᑭᑫᒋᑲᓂᐧᐊᒃ ᑲᔦ ᑲᐊᓄᑭᒪᑲᑭᓐ ᑐᑕᒧᐧᐃᓇᓐ ᓂᑭᑭᓄᐧᐃᓂᑯᒥᓐ ᐧᐁᐧᐁᓂ ᒋᐅᒋ ᐊᓄᑭᑕᒪᐧᐊᑭᐧᑕ ᑭᑭᓄᐊᒪᐧᐊᑲᓇᒃ
ᑲᐸᑲᓇᑌᓂᒃ ᐅᑭᑭᓄᐊᒪᑯᐧᐃᓂᐧᐊ
ᑕᓱᐱᐳᓐ ᓂᑐᑕᒥᓐ ᐁᑭᐧᐁᓇᓇᑲᒋᑐᐊᒃ ᑲᔦ ᓂᑐᔥᑭᐅᓇᑐᒥᓐ ᑲᐸᑲᓇᑌᓂᒃ ᐅᑭᑭᓄᐊᒪᑯᐧᐃᓂᐧᐊ ᐅᑎᐸᒋᒥᑯᐧᐃᓂᐧᐊ ᑫᒋᓇᒡ ᒋᑭᐅᓐᒋ ᐱᒥᐊᓂᑫ ᒥᓄᔥᑲᒪᑲᓂᒃ ᐅᐧᐃᒋᐃᑯᐧᐃᓂᐧᐊ ᑭᑭᓄᐊᒪᐧᐊᑲᓇᒃ. ᐅᐅᐧᐁ ᓂᑐᑕᒧᐧᐃᓂᓇᓐ ᓂᐧᐃᒋᐃᑯᒥᓐ ᒋᑭᐧᐁᑲᓇᐧᐊᐸᑕᒪᑭᓐ ᒣᐧᑲ ᑲᐃᔑᐱᒥᐊᓄᑲᑌᑭᓐ ᑲᐃᔑᑭᑭᓄᐊᒪᐧᐃᐧᑕᐧ ᑲᔦ ᒋᐅᓇᒋᑲᑌᑭᓐ ᑲᑭᒋᓀᑕᐧᑲᑭᓐ ᐧᐃᑕᓄᑭᒥᑎᐧᐃᓇᓐ ᐃᐃᒪ ᑕᔑᑫᐧᐃᓂᒃ ᑲᐅᒋᑭᓐ ᐧᐃᑐᑲᑫᐧᐃᓇᓐ.
ᐅᓂᑭᐃᑯᒪᒃ ᐅᐧᐃᓐᑕᒪᑯᐧᐃᓐ ᑲᐸᑲᓇᑌᓂᒃ ᐅᑭᑭᓄᐊᒪᑯᐧᐃᓂᐧᐊ ᑭᑭᓄᐊᒪᐧᐊᑲᓇᒃ
ᐅᐅᐧᐁ ᐅᓂᑭᐃᑯᒪᒃ ᐅᐧᐃᓐᑕᒪᑯᐧᐃᓐ ᑲᐸᑲᓇᑌᓂᒃ ᐅᑭᑭᓄᐊᒪᑯᐧᐃᓂᐧᐊ ᑭᑭᓄᐊᒪᐧᐊᑲᓇᒃ ᑭᐃᔑᓇᑯᒋᑲᑌ ᒋᐧᐃᓐᑕᒪᑯᔭᓐ ᑲᐸᓇᑲᑌᓂᒃ ᐅᑭᑭᓄᐊᒪᑯᐧᐃᓂᐧᐊ ᑭᑭᓄᐊᒪᐧᐊᑲᓇᒃ ᑲᐃᔑᐅᓀᑕᒧᐧᐊᒡ ᑲᐊᐱᑕᒪᑫᐧᐊᒡ ᐅᐅᒪ ᐸᒥᓂᑫᐧᐃᓂᒃ, ᑲᓇᓇᑲᒋᐃᐧᑕ, ᐊᓐᑎ ᑫᐃᔑᐸᑭᑎᓂᐧᑕ ᑲᔦ ᑲᑭᐧᐁ ᓇᓇᑲᒋᒋᑫᐧᐊᒡ ᑲᐊᐱᑕᒪᑫᐧᐊᒡ ᑲᐸᒥᓇᒧᐧᐊᒡ, ᑲᔦ ᐊᓂᓐ ᐁᑐᑕᒧᐧᐊᒡ ᑲᐃᔥᐧᑲᒡ ᓇᓇᑲᒋᐊᐧᐊᒡ ᑲᔦ ᑫᐃᔑᐸᑭᑎᓇᐧᐊᒡ ᑲᒪᔭᑭᔭᓂᒡ ᑭᑭᓄᐊᒪᐧᐊᑲᓇᓐ.