ᐅᓂᑭᐃᑯᒪ/ᑎᐯᓐᒋᑫᐧᐃᓐ ᑲᔦ ᑕᔑᑫᐧᐃᓂᒃ ᒪᒪᐧᐃ ᐧᐃᑐᑲᓱᐧᐃᓐ
ᑲᐅᓂᑭᐃᑯᒪᐧᐃᐧᐊᒡ ᑲᔦ ᑕᔑᑫᐧᐃᓂᒃ ᑲᑲᐯᔑᐧᐊᒡ ᐊᐱᒋ ᑭᒋᓀᑕᑯᓯᐧᐊᒃ ᑫᐧᐃᓇᐧᐊ ᒋᑭᐅᒋ ᐧᐊᐧᐃᑐᑲᑫᐧᐊᐸᓐ ᒋᑭᐅᒋ ᒥᓄᔥᑲᒪᑲᒃ ᑭ ᑭᑭᓄᐊᒪᑎᐧᐃᑲᒥᑯᒥᓇᓐ ᑲᔦ ᑭ ᑭᑭᓄᐊᒪᐧᐊᑲᓂᒥᓇᓂᒃ. ᑭᐃᔑᒥᑭᑲᑌ ᓇᓇᑐᑭᑫᒋᑫᐧᐃᓂᒃ ᐊᐱ ᑭᑭᓄᐊᒪᑎᐧᐃᑲᒥᑯᓐ, ᑎᐯᓐᒋᑫᐧᐃᓇᓐ ᑲᔦ ᒥᓯᐧᐁ ᑕᔑᑫᐧᐃᓂᒃ ᑲᒪᒪᐧᐃ ᐧᐃᑐᑲᑎᓇᓂᐧᐊᒃ ᒋᒥᓄᓭᒃ ᑭᑭᓄᐊᒪᑫᐧᐃᓐ, ᐊᐱᓄᒋᔕᒃ ᐧᐁᐧᐁᓂ ᐊᓂᐱᒋᓂ ᑭᑫᑕᓱᐧᐊᒃ, ᑲᐧᐃᓐ ᑲᔦ ᒋᐳᓂᒋᑫᐧᐊᒡ ᑲᔦ ᐅᒥᐧᓀᑕᓇᐧᐊ ᐁᑭᑭᓄᐊᒪᐧᐃᐧᑕ.
ᐸᑎᐧᓇᔦᑲᓐ ᐊᓂᓐ ᑫᑭᐃᔑ ᐧᐊᐧᐃᑐᑲᑫᓇᓂᐧᐊᑭᐸᓐ ᑲᔦ ᑫᐃᔑ ᐸᐸᒥᓯᓇᓂᐧᐊᑭᐸᓐ ᑭᑕᔑᑫᐧᐃᓂᒃ ᑲᑕᐧᑲᑭᒃ ᑭᑭᓄᐊᒪᑎᐧᐃᑲᒥᒃ; ᒋᒧᑕᓄᑭᑕᒪᑫᔭᓐ ᑭ ᑭᑭᓄᐊᒪᑎᐧᐃᑲᒥᑯᒃ ᒋᑕᐧᑲᐱᑕᒪᑫᔭᓐ ᑭᑭᓄᐊᒪᑫᐧᐃ ᓂᑲᓂᔥᑲᒪᑫᐧᐃᓂᒃ ᑫᒪ ᑭᑭᓄᔥᑲᒪᑫᐧᐃ ᐊᐱᑕᒪᑫᐧᐃᓂᒃ. ᑫᑭᓐ ᑕᐃᔑᓭᐸᓐ ᒋᐅᒋ ᐧᐊᐧᐃᑐᑲᑫᔭᓐ ᑲᔦ ᒋᐧᐊᐧᐃᓐᑕᒪᑫᔭᓐ ᑫᑯᓇᓐ.
ᐧᐃᓇᓇᑕᐧᐃᑭᑫᑕᒪᓐ ᐊᓂᓐ ᑫᑭᑐᑕᒪᓐ ᐧᐃᐸᐸᒥᓯᔭᓐ, ᐃᔑᑭᑭᑐᓐ ᑭᑕᔑᑫᐧᐃᓂᒃ ᑭᑭᓄᐊᒪᑎᐧᐃᑲᒥᑯᒃ ᑫᒪ ᐅᓂᑭᐃᑯᒪ ᑲᔦ ᑕᔑᑫᐧᐃᓐ ᒪᒪᐧᐃ ᐧᐃᑐᑲᓱᐧᐃᓐ ᐊᓄᑭᐧᐃᑲᒥᑯᒃ.