ᐅᐅᒪ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᐅᓐᒋᐸᑭᑎᓂᑲᑌᐧᐊᓐ ᒪᒪᑲᑕᐱᑯ ᐊᐸᒋᑕᑲᓇᓐ ᑲᔦ ᑯᑕᑭᔭᓐ ᑭᑭᑐᐧᐃ ᐊᐸᒋᑕᑲᓇᓐ ᒋᐊᐸᒋᑐᐧᐊᒡ ᐊᓄᑭᐊᑲᓇᒃ ᑲᔦ ᑭᑭᓄᐊᒪᐧᐊᑲᓇᒃ. ᒪᒪᑲᑕᐱᑯ ᐊᐸᒋᑕᑲᓇᓐ ᑲᐃᒋᑲᑌᑭᓐ ᑲᑭᓇ ᐃᓂ ᑲᐊᐸᑕᑭᓐ ᐃᐃᒪ ᑲᒪᓯᓇᑌᐱᐃᑫᓭᒃ ᑫᒪ ᑭᑭᑐᐧᐃᓂᑲᒃ ᑲᐅᒋᐊᓄᑭᒪᑲᑭᓐ.

ᑲᑭᓇ ᐅᓇᑯᓂᑫᐧᐃᓀᓴᓐ, ᐱᒥᓂᔕᐃᑫᐧᐃᓇᓐ, ᑲᐃᓇᑯᓂᑲᑌᑭᓐ ᑲᔦ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑲᐃᓇᑯᓇᒧᐧᐊᒡ ᐊᓐᑕᐧᐁᑕᐧᑲᓄᓐ ᒋᐱᒥᓂᔕᐃᑲᑌᑭᓐ ᑲᐊᐸᑕᑭᓐ ᒪᒪᑲᑕᐱᑯᓐ ᑲᔦ ᐊᐸᒋᑕᑲᓇᓐ ᑫᒪ ᑭᑭᓄᐊᒪᑎᐧᐃᑲᒥᑯᒃ ᑲᐅᒋᐊᐸᑕᑭᓐ. ᐅᐅᐧᐁ ᑕᔥ "ᒪᒪᑲᑕᐱᑯᒃ ᑲᐊᐸᑕᒃ ᑲᐃᓇᑯᓂᑲᑌᒃ" ᑲᐃᒋᑲᑌᒃ ᑲᐊᐸᒋᒋᑲᑌᑭᓐ ᒪᒪᑲᑕᐱᑯᓐ ᑲᐅᓐᒋᐊᓄᑭᒪᑲᑭᓐ ᑲᔦ ᐊᐸᒋᑕᑲᓇᓐ. ᐅᐅᐧᐁ ᐅᓇᑯᓂᑲᓐ ᑭᐅᓇᒋᑲᑌ ᒋᐅᒋ ᐧᐃᒋᐃᑯᐧᐊᒡ ᐃᐃᒪ ᐃᓀᑫ ᐅᑎᐱᓇᐧᐁᐧᐃᓯᐧᐃᓂᒃ ᑲᔦ ᐅᑕᔭᐧᑲᒥᓯᐧᐃᓂᒃ ᑲᑭᓇ ᐊᐧᐃᔭ.

ᐅᐅᒪ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᐧᐁᐧᐁᓂ ᐅᑲᐧᑫᑐᑕᓇᐧᐊ ᒋᐊᔭᐧᑲᒥᑲᓇᐧᐁᑕᐧᑲᒃ ᐊᓄᑭᐧᐃᑲᒥᑯᓐ ᑲᔦ ᐧᐃᓐᑕᒪᑫᐧᐃᓇᓐ ᑲᐃᔑᐊᒋᑲᑌᑭᓐ. ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑲᔦ ᐅᑕᔭᓐ ᒪᔥᑲᐧᐃᓯᐧᐃᓐ ᒋᐱᒥ ᓇᓇᑲᒋᑐᒡ ᒪᒪᑲᑕᐱᑯ ᐊᐸᒋᒋᑲᓇᓐ ᑲᐅᒋᐊᓄᑭᒪᑲᑭᓐ.

1) ᑎᐱᓇᐧᐁ ᑲᐯᔑᑯᒡ ᒋᐊᔭᐧᑲᒥᓯᒡ ᐅᓇᑯᓂᑲᓐ

• ᑫᑯᐧᐃᓐ ᐧᐃᑲ ᐃᔑᒋᑫᑫᓐ ᒋᐧᐃᓐᑕᒪᐧᐊᐧᑕ ᑲᑭᑫᓂᒪᓯᒃ ᐃᐃᒪ ᒪᒪᑲᑕᐱᑯᒃ ᐊᐧᐁᓀᓂᐧᐃᔭᓐ (ᑕᐱᔥᑯ ᑭᐧᐃᓱᐧᐃᓐ, ᐁᔑᑲᐯᔑᔭᓐ, ᑭ ᑭᑭᑐᐧᐃᐊᑭᑕᓱᓐ, ᐁᑕᓱᐱᐳᓀᔭᓐ, ᐁᔑᓇᑯᓯᔭᓐ ᑫᒪ ᑲᑕᔑ ᑭᑭᓄᐊᒪᑯᓯᔭᓐ). ᑲᔦ ᑕᔥ ᑫᑯᐧᐃᓐ ᐧᐃᑲ ᐃᔑᒋᑫᑫᓐ ᒋᐧᐊᐧᐃᓐᑕᒪᓐ ᑫᑯᓇᓐ ᐃᐃᒪ ᒥᓯᐧᐁ ᑲᐅᓐᒋᐧᐊᐸᒋᑲᑌᑭᓐ ᐧᐃᓐᑕᒪᑫᐧᐃᓇᓐ ᐊᓂᔥ ᑲᐧᐃᓐ ᑲᑭᑫᓂᒪᓯ ᐊᐧᐁᓀᓐ ᑫᐅᓐᒋᐧᐊᐸᑕᒧᐧᑫᓐ ᑲᐃᑭᑐᔭᓐ.
• ᑫᑯᐧᐃᓐ ᐧᐃᑲ ᐃᔑᒋᑫᑫᓐ ᒋᐧᐊᐧᐃᓐᑕᒪᓐ ᑎᐱᓇᐧᐁ ᐅᑎᔑᓭᐧᐃᓐ ᐸᑲᓐ ᐊᐧᐃᔭ ᐸᒪ ᐁᑕ ᐃᑭᑐᒡ ᐅᐅᐧᐁ ᒋᐃᔑᒋᑫᐧᐊᒡ ᒋᐧᐸ ᑐᑕᒪᓐ ᐅᐅᐧᐁ ᑲᔦ ᑕᔥ ᐁᑭᑫᓐᑕᒪᓐ ᑲᐸᑭᑎᓇᒪᓐ ᐧᐃᓐᑕᒪᑫᐧᐃᓐ ᒋᐅᒋ ᒪᔑᑐᑕᑯᓯᒃ.
• ᑫᑯᐧᐃᓐ ᐸᑭᑎᓇᑫᓐ ᑭᒪᓯᓇᑭᓱᐧᐃᓐ, ᑯᑕᒃ ᐊᐧᐃᔭ ᑫᒪ ᑲᒪᒪᐧᐃ ᒪᓯᓇᑭᓱᐧᐊᒡ ᐃᐃᒪ ᒥᓯᐧᐁ ᑲᐅᒋᐧᐊᐸᒋᑲᑌᑭᓐ ᒪᒪᑲᑕᐱᑯᒃ ᑲᔦ ᓂᑲᓐ ᒋᑲᐧᑫᒋᒪᐧᑕ ᒋᐧᐸ ᐊᑯᑲᑐᔭᓐ, ᑲᔦ ᑭᔥᐱᓐ ᐊᐱᓄᒋᔕᒃ ᒋᑲᐧᑫᒋᒥᒪᒡ ᐅᓂᑭᐃᑯᓐ ᑫᒪ ᑲᑲᓇᐧᐁᓂᒥᑯᒡ.
• ᔐᒪᒃ ᐧᐃᓐᑕᒪᐤ ᑭᑭᓄᐊᒪᑫ ᑭᔥᐱᓐ ᐱᓐᒋᓂᔕᐊᒪᑯᔭᓐ ᐅᔑᐱᐃᑲᓐ ᑫᒪ ᐱᑲᐧᑫᒋᒥᒃ ᐊᐧᐃᔭ ᑫᑯᓂ ᐁᒥᑯᔥᑲᑌᑕᒥᐃᑯᔭᓐ ᑫᒪ ᐁᐧᐃᑲᐧᑫᐧᐊᐸᒥᒃ.
• ᑫᑯᐧᐃᓐ ᐧᐃᑲ ᐧᐊᐧᐃᓐᑕᓐ ᒪᔭ ᑲᐃᓇᑭᓱᒡ, ᑎᐸᐃᑲᓐ ᑫᒪ ᐊᓐᑎ ᐃᓀᑫ ᑲᐧᐃᐃᔕᔭᓐ ᒋᐅᒋ ᑭᑫᓐᑕᒧᐧᐊᒡ ᑲᐃᓀᑕᑯᓯᓯᐧᑲ ᒋᑭᑲᑭᑫᓐᑕᒧᐧᐊᐸᓐ ᑲᐧᐃᐊᐃᔑᒋᑫᔭᓐ ᓄᒋᑯ ᒋᐅᒋ ᑭᑫᓐᑕᒧᐧᐊᒡ ᐊᓐᑎ ᐱᑯ ᑲᐃᔕᒪᑲᑭᓐ ᒪᒪᑲᑕᐱᑯᒃ ᑲᐧᐃᓐᒋᑲᑌᑭᓐ ᑫᑯᓇᓐ ᑲᔦ ᒋᐅᒋ ᐧᐊᐸᑕᒧᐧᐊᒡ ᐊᐧᐃᔭᒃ.

2) ᑲᐊᓐᑕᐧᐁᑕᑯᓯᓄᒃ ᒋᐧᐊᐸᒋᑲᑌᑭᓐ ᑲᔦ ᓄᒋᑯ ᑫᑯᓇᓐ ᑲᓇᐧᑲᑭᓐ

ᒥᓯᐧᐁᑲᒥᒃ ᑲᓇᑯᒋᑲᑌᑭᓐ ᒪᒪᑲᑕᐱᑯᒃ ᑫᑯᓇᓐ ᑕᐱᔥᑯ ᐃᓐᑐᕐᓀᑦ ᑲᐧᐃᓐ ᑭᑐᒋᑲᑌᓯᓄᓐ ᒋᑭ ᑭᐱᑎᓂᑲᑌᑭᓐ ᑲᐃᑭᑐᒪᑲᑭᓐ ᑫᑯᓇᓐ. ᐁᔥᑲᒻ ᐃᑕᔥ, ᑲᐊᐸᐊᒋᑐᐧᐊᒡ ᒪᒪᑲᑕᐱᑯᓐ ᐅᐱᒋᑐᑕᓇᐧᐊ ᐁᐃᓇᐱᐧᐊᒡ ᐃᐃᒪ ᑲᐅᓂᔑᔑᓯᓂᒃ ᑫᑯᓇᓐ ᑲᔦ ᐃᑭ ᑲᐃᓇᐱᐧᐊᒡ, ᑲᐅᓂᑭᐃᑯᒪᐧᐃᐧᐊᒡ ᑫᒪ ᐊᓄᑭᐊᑲᓇᒃ ᐅᑲᐃᓀᑕᓇᐧᐊ ᐁᐅᓂᔑᔑᓯᓂᒃ ᑫᒪ ᐁᒪᓇᑕᓂᒃ. ᐧᐃᓐ ᑕᔥ ᑲᐃᔑᐯᔑᑯᒡ ᐊᐧᐃᔭ ᐅᑲᓇᐧᐊᐸᒥᑯᓐ ᓄᒋᑯ ᒋᑲᐧᑫᑐᑕᓯᒃ ᒋᐃᓇᐱᒡ ᐃᐃᒪ ᑲᐃᔑ ᐅᓂᔑᔑᓯᓂᒃ ᑲᐃᔑᐊᑌᑭᓐ ᒪᒪᑲᑕᐱᑯᒃ ᐧᐊᐸᓐᒋᑫᐧᐃᓇᓐ. ᑭᔥᐱᓐ ᑕᔥ ᐧᐃᓐ ᐱᒋᐃᓇᐱᒡ ᐃᐃᒪ, ᔐᒪᒃ ᒋᐧᐃᓐᑕᒪᐧᐊᒡ ᑲᑭᑭᓄᐊᒪᑯᒡ ᑫᒪ ᑲᐅᑭᒪᐧᐃᓂᒡ.

ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᐃᑭᑐᐧᐊᒃ ᐁᐱᒥᓂᔕᐊᒧᐧᐊᒡ ᑲᐃᓇᑯᓂᑲᑌᓂᒃ ᑲᓇᑕ ᐅᓇᑯᓂᑫᐧᐃᓂᒃ ᑲᐅᔑᐱᐃᑲᑌᒃ ᑎᐯᓂᒧᐧᐃᓐ ᑲᔦ ᐃᐃᐧᐁ ᐅᓐᑌᕆᐅ ᐊᑭᒃ ᐯᒪᑎᓯᐧᐊᒡ ᐅᓇᑕᒪᑯᐧᐃᓂᐧᐊ ᐱᒥᓂᔕᐃᑫᐧᐃᓐ ᒋᐸᑭᑎᓂᑲᑌᒃ ᒋᐊᔭᐧᑲᒥ ᑲᓇᐧᐁᑕᐧᑲᑭᓐ ᑭᑭᓄᐊᒪᑎᐧᐃᑲᒥᑯᓐ ᑲᔦ ᐊᓄᑭᐧᐃᑲᒥᑯᓐ ᑲᐅᓐᒋ ᒪᓇᑌᓂᒥᐧᑕ ᐊᐧᐃᔭᒃ. ᑲᐧᐃᓐ ᑕᐸᑭᑎᓂᑲᑌᓯᓐ ᓂᔥᑫᓐᒋᑫᐧᐃᓐ ᑲᔦ ᒥᑯᔥᑲᒋᒋᑫᐧᐃᓐ ᒋᑐᑕᐧᐊᑲᓂᐧᐃᒡ ᐊᐧᐃᔭ. ᑲᐧᐃᓐ ᑲᔦ ᐊᓐᑕᐧᐁᒋᑲᑌᓯᓐ ᒋᐃᓇᐸᑕᒃ ᒪᒪᑲᑕᐱᒃ ᒋᐅᒋ ᒪᒥᑭᑎᓯᐧᐊᑫᒡ ᑫᒪ ᒥᑯᔥᑲᒋᒋᑲᑫᒡ.

ᐊᐧᐃᔭᒃ ᑲᐧᐃᐊᐸᒋᑐᐧᐊᒡ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑲᐅᒋᑎᐯᑕᐧᑲᑭᓐ ᒪᒪᑲᑕᐱᑯ ᐊᐸᒋᑕᑲᓇᓐ ᑲᐧᐃᓐ ᐸᑭᑎᓂᑲᑌᓯᓐ ᐊᓂᔕ ᒋᐃᓇᐸᒋᑐᒡ ᐃᐃᒪ ᐃᓀᑫ:

• ᐁᐅᒋᐱᑯᓂᑲᑌᒃ ᐅᓇᑯᓂᑫᐧᐃᓐ ᐃᔑᒋᑫᐧᐃᓂᒃ;
• ᐁᐅᒋ ᑲᐧᑫᓭᑭᐃᐧᐁᒡ ᑫᒪ ᒋᒥᑲᓇᒡ ᐊᐧᐃᔭᓐ, ᐁᓂᔥᑫᓂᒪᒡ ᐊᐧᐃᔭᓐ;
• ᓄᒋᑯ ᐃᔑᑭᐧᔐᐧᐃᓐ ᐁᐊᐸᒋᑐᒡ, ᐊᐧᑲᑎᓯᐧᐃᓂᒃ ᑫᒪ ᐊᐧᑲᑎᓯᑲᑕᑫᐧᐃᓂᒃ;
• ᓄᒋᑯ ᐁᔑᓂᑲᑕᒪᑫᒡ ᐊᔭᒥᐊᐧᐃᓂᒃ ᑫᒪ ᓂᑲᓂᑕᒪᑫᐧᐃᓂᒃ ᐃᑭᑐᐧᐃᓇᓐ;
• ᐁᐱᑯᓇᑭᓐ ᑫᒪ ᐁᐧᐊᓇᐱᑐᒡ ᑲᐃᔑᑎᐯᓂᒧᓂᒡ ᐸᑲᓐ ᐊᐧᐃᔭᓐ ᑲᐃᔑᐱᒥᓂᔕᐃᑲᑌᒃ ᐃᐃᒪ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᐅᓇᑯᓂᑫᐧᐃᓀᓴᓐ, ᐅᑭᒪᐧᐃᓐ ᑲᐸᒥᓇᒃ ᑭᑭᓄᐊᒪᑫᐧᐃᓐ ᐅᓇᑯᓂᑫᐧᐃᓇᓐ, ᐅᓐᑌᕆᐅ ᐧᐁᑭᒪᐧᐊᑎᓯᒡ ᐅᓇᑕᒪᑫᐧᐃᓐ ᐯᒪᑎᓯᓂᒡ, ᑫᒪ ᑲᓇᑕ ᐅᓇᑯᓂᑫᐧᐃᓂᒃ ᑲᐅᔑᐱᐃᑲᑌᒃ ᑎᐯᓂᒧᐧᐃᓐ;
• ᐅᓐᑕᑲᓀᓯᐧᐃᓂᒃ, ᐃᓇᑎᓯᐧᐃᓂᒃ ᑫᒪ ᐊᔭᒥᐊᐧᐃᓂᒃ ᐁᐅᓐᒋ ᒪᒋᓂᑲᒋᑲᑌᑭᓐ;
• ᐁᐅᓐᒋ ᑲᑲᓱᒥᐧᐁᓇᓂᐧᐊᒃ ᒋᐊᐸᑕᑭᓐ ᑲᐸᑭᑎᓂᑲᑌᓯᓄᒃ ᑫᑯᓇᓐ, ᒋᑕᐧᑭᓇᓂᐧᐊᒃ ᐱᑯᓂᑫᐧᐃᓂᒃ ᑫᒪ ᒋᐊᐸᑕᑭᓐ ᑫᐅᓐᒋᒪᒪᔑᓇᓂᐧᐊᒃ;
• ᐁᐅᓐᒋ ᒪᓇᒋᒥᐧᐁᓇᓂᐧᐊᒃ, ᑫᐅᓐᒋᐧᐊᓂᑐᑕᑫᒪᑲᒃ, ᐁᐧᐃᓂᑕᐧᑲᑭᓐ, ᑲᔦ ᓄᒋᑯ ᐁᓂᑕᐧᑲᑭᓐ;
• ᐁᑭᐊᒋᑲᑌᑭᓐ ᑎᐱᓇᐧᐁ ᑎᐸᒋᒥᑯᐧᐃᓇᓐ, ᒪᓯᓇᑭᓱᑯᐧᐃᓇᓐ ᑫᒪ ᐅᔑᐱᐅᑎᓱᐧᐃᓇᓐ ᑲᔦ ᐁᑭᐅᓐᒋ ᐃᑭᑐᓯᒃ ᐅᐅᐧᐁ ᒋᑐᒋᑲᑌᓂᒃ;
• ᐁᐃᑭᑐᒪᑲᑭᓐ ᐱᔑᐧᑲᒋᐃᐧᐁᐧᐃᓂᒃ ᐁᐅᒋ ᒥᑯᔥᑲᒋᒋᑲᓂᐧᐊᒃ ᑫᒪ ᓄᒋᐃᐧᐁᐧᐃᓂᒃ ᐁᐅᒋᓂᐸᒋᑲᐧᐃᐧᐁᒡ;
• ᐁᐅᓐᒋᑲᐧᑫ ᐃᓇᐸᒋᑐᒡ ᒋᐅᒋ ᒪᒋᑐᒡ ᐊᑕᐧᐁᐧᐃᓂᑫᐧᐃᓂ ᑲᐧᐃᓐ ᑕᔥ ᓂᑲᓐ ᐁᐅᒋᐸᑭᑎᓇᑲᓂᐧᐃᒡ ᐅᐅᐧᐁ ᒋᑭᐃᔑᒋᑫᐸᓐ;
• ᐁᐧᐃᒋᐃᐧᐁᒡ ᑲᐅᒋ ᒪᒪᐧᐃ ᐃᔑᓂᔕᐃᑲᑌᑭᓐ ᐅᔑᐱᐃᑲᓇᓐ ᓄᒋᑯ ᑲᐃᓇᐸᑕᓯᓄᑭᓐ ᑲᔦ ᑲᐅᓐᒋ ᑲᑲᔭᔑᐃᐧᐁᓇᓂᐧᐊᒃ;
• ᐅᒪᒪᒋᓂᔕᐊᓇᓐ ᐊᓂᑫᐅᔑᐱᐊᒪᑫᐧᐃᓇᓐ ᑫᒪ ᓄᒋᑯ ᐅᔑᐱᐃᑲᓇᓐ;
• ᐅᑲᐧᑫᑲᑐᓐ, ᐸᑲᓇᑐᓐ ᑫᒪ ᑲᑭᐧᐊᓂᒧ ᐊᓐᑎ ᑲᐅᒋᒪᑲᒃ ᐅᔑᐱᐃᑲᓐ.

3) ᑫᑐᒋᑲᑌᒃ ᑲᐊᐸᒋᑐᐧᐊᒡ ᒪᒪᑲᑕᐱᑯᓐ

  ᑲᑭᓇ ᐊᐧᐃᔭ ᑲᐧᐃᐊᐸᒋᑐᒡ ᒪᒪᑲᑕᐱᑯᓐ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑲᑎᐯᑕᐧᑲᑭᓐ ᐅᐅᐧᐁ ᐅᑲᑐᑕᓇᐧᐊ:

• ᐊᑲᐧᐁ ᐁᑕ ᐊᐸᒋᑐᓐ ᒪᒪᑲᑕᐱᒃ ᑲᔦ ᐸᑭ ᐁᑕ ᑫᑯᓇᓐ ᒋᐅᒋ ᐧᐊᐸᑕᒪᓐ ᑲᐅᒋᐧᐃᑯᐱᒋᑲᑌᑭᓐ ᐃᐃᒪ ᒪᒪᑲᑕᐱᑯᒃ. ᑭᔥᐱᓐ ᓂᐱᐧᐊ ᑲᐧᐃᑯᐱᒋᑲᑌᑭᓐ ᑫᑯᓇᓐ ᑕᐅᓐᒋ ᐧᐊᓂᔥᐧᑫᐱᒋᑫᒪᑲᓐ ᑲᐅᒋ ᐊᓄᑭᒪᑲᒃ (ᑕᐱᔥᑯ ᑲᒪᒋᓂᔕᐃᑲᑌᑭᓐ ᒪᓯᓇᐃᑲᓇᓐ ᑫᒪ ᑲᐊᓐᒋᓂᔕᐃᑲᑌᑭᓐ ᒣᐧᑲ ᐊᐱ ᒪᒪᐤ ᑲᐊᐸᑕᒃ ᒪᒪᑲᑕᐱᒃ).
• ᒋᐧᐃᓐᒋᑲᑌᒃ ᑭᔥᐱᓐ ᑲᐱᑯᓭᒃ ᑫᒪ ᐧᐃᓐᒋᑫᐧᐃᓇᓐ ᐃᐃᒪ ᑲᐅᒋᐊᓄᑭᒪᑲᒃ ᑲᑭᐅᒋ ᐱᒋᐱᑯᓭᐧᑫᓐ ᑫᒪ ᐅᓐᒋᑕ ᐁᑭᐱᑯᓂᑲᑌᐧᑫᓐ.

4) ᑲᐸᑭᑎᓂᑲᑌᓯᓄᒃ ᒋᐊᐸᑕᑭᓐ ᑲᔦ ᐃᔑᒋᑫᐧᐃᓇᓐ

ᑲᑭᓇ ᑲᐊᐸᒋᑐᐧᐊᒡ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᒪᒪᑲᑕᐱᑯ ᐊᐸᒋᑕᑲᓇᓐ ᑲᐧᐃᓐ ᑕᐃᔑᒋᑫᓯᐧᐊᒃ ᐅᐅᐧᐁᓂ:

• ᒋᓇᐱᐱᐊᒧᐧᐊᒡ, ᒋᐧᐃᑯᐱᑐᐧᐊᒡ, ᑫᒪ ᒋᐅᑕᐱᓇᒧᐧᐊᒡ ᓄᒋᑯ ᑫᑯᓇᓐ ᑫᒪ ᑲᐸᑭᑎᓂᑲᑌᓯᓄᒃ ᒋᐅᑕᐱᓂᑲᑌᑭᓐ ᐅᑕᒥᓄᐧᐃᓇᓐ, ᒪᓯᓇᐃᑲᓇᓐ, ᑲᔦ ᑯᑕᑭᔭᓐ ᑫᑯᓇᓐ ᒪᒪᑲᑕᐱᑯᒃ ᑲᐅᓐᒋᒪᑲᑭᓐ.
• ᒋᐱᑯᐱᑐᐧᐊᒡ ᒪᒪᑲᑕᐱᑯᓐ ᑫᒪ ᑲᔦ ᐊᐸᒋᑕᑲᓇᓐ ᑲᐊᐃᔑᓇᐧᑲᑭᓐ ᑲᔦ ᑲᐧᐃᓐ ᐁᑕᑯ ᒪᒪᑲᑕᐱᑯ ᐊᐸᒋᑕᑲᓇᓐ ᑕᑯ ᐱᑯ ᑲᔦ ᑯᑕᑭᔭᓐ ᐯᐸᑲᓐ ᑲᐅᓐᒋ ᐊᓄᑭᒪᑲᑭᓐ ᐊᐸᒋᑕᑲᓇᓐ ᒥᓯᐧᐁ ᑲᐃᔑᓇᐧᑲᑭᓐ.
• ᒋᐱᑯᐱᑐᐧᐊᒡ ᑫᒪ ᒋᑭᓯᐧᐁᐸᐊᒧᐧᐊᒡ ᑲᑲᓇᐧᐁᒋᑲᑌᑭᓐ ᑫᒪ ᐧᐃᓐᑕᒪᑫᐧᐃᓇᓐ ᑲᑎᐯᑕᑭᓐ ᐊᐧᐃᔭ ᐁᑭᐅᓐᒋᐃᓇᑲᓂᐧᐃᓯᒃ ᒋᑐᑕᒃ.
• ᒋᐊᐸᒋᑐᓯᒃ ᐸᑲᓐ ᐊᐧᐃᔭᓐ ᑲᐅᓐᒋᐊᐸᒋᑐᓂᒡ ᐃᐃᒪ ᒪᒪᑲᑕᐱᑯᒃ.
• ᒋᑐᑕᒃ ᑲᐊᐸᒋᑐᓂᒡ ᒋᐅᒋ ᐧᐊᓂᑐᓂᒡ ᐃᐃᒪ ᒪᒪᑲᑕᐱᑯᒃ, ᑕᐱᔥᑯ ᐁᑭᐅᓐᒋ ᑭᐸᐧᐁᐸᐊᑭᓐ ᑫᒪ ᐁᑭᐅᓐᒋ ᐊᓐᒋᑐᒡ ᑲᐊᐸᑕᒃ ᒋᐸᑭᓂᑲᑌᒃ ᐁᑭᐃᓇᑲᓂᐧᐃᓯᒃ ᒋᑐᑕᒃ.
• ᒋᐸᑭᓇᒃ ᒪᒪᑲᑕᐱᑯᐧᐊᔥ, ᒋᐊᓐᑕᑐᒡ, ᒋᐱᐧᑲᐱᑫᐱᑐᒡ ᓇᐸᐱᑫᓂᑲᓇᓐ ᐁᑭᐃᓇᑲᓂᐧᐃᓯᒃ ᒋᑐᑕᒃ.
• ᒋᐊᑯᑲᑐᓯᒃ ᑲᐸᑭᑎᓂᑲᑌᓯᓄᑭᓐ ᑫᑯᓇᓐ ᐃᐃᒪ ᒪᒪᑲᑕᐱᑯᒃ ᑫᒪ ᐃᐃᒪ ᑲᐅᓐᒋᐧᐃᑯᐱᒋᑲᑌᑭᓐ. ᑫᑯᓇᓐ ᐊᐸᒋᑕᑲᓇᓐ ᑕᐱᔥᑯ ᑲᐸᐸᒥᐧᐃᒋᑲᑌᑭᓐ ᒪᒪᑲᑕᐱᑯᓴᓐ, ᑲᔐᑯᓂᑲᑌᑭᓐ, ᓇᓇᑕᐧᐃᑭᑫᒋᑲᓂ ᐱᐧᐊᐱᒃ ᑫᒪ ᑲᔦ ᑯᑕᑭᔭᓐ ᑲᐊᐸᑕᑭᓐ ᒪᒪᑲᑕᐱᑯ ᐊᐸᒋᑕᑲᓇᓐ. ᑲᐧᐃᓐ ᒋᐸᑭᑎᓂᑲᑌᒃ ᒋᐅᑕᐱᓂᑲᑌᑭᓐ, ᒋᓇᐱᐱᐃᑲᑌᒃ ᑫᒪ ᒋᐊᓐᒋᓇᑯᒋᑲᑌᒃ ᑫᑯᓐ ᑲᑭᐃᔑᒋᑲᑌᒃ ᐃᐃᒪ ᒋᐃᓇᓄᑭᒪᑲᒃ ᒪᒪᑲᑕᐱᑯᒃ.
• ᒋᐅᒋ ᑲᐧᑫᒪᔑᓭᐃᑎᓱᐧᐊᒡ ᑫᒪ ᒋᒪᒥᔑᐊᓯᐧᑲ ᐊᐧᐃᔭᓐ ᑲᑭᑲᐧᑫᐧᑌᓯᐧᑲ ᒋᐅᑕᐱᓇᒧᐧᐊᒡ ᐧᐃᓐᑕᒪᑫᐧᐃᓇᓐ, ᐊᓄᑭᐧᐃᓇᓐ ᑫᒪ ᐊᐸᑭᒋᑕᑲᑭᓇᓐ ᑲᑎᐱᓇᐧᐁᓯᐧᐊᒡ ᐸᑲᓐ ᐊᐃᐧᔭᒃ, ᑲᔦ ᑲᐃᓇᒡ ᓄᒋᑯ ᒋᐃᓇᐸᒋᑐᓂᒡ ᒪᒪᑲᑕᐱᑯᓂ ᑫᒪ ᑲᐧᐃᑯᐱᒋᑲᑌᑭᓐ ᑫᑯᓇᓐ. ᑲᑭᒧᑎᓇᓂᐧᐊᒃ ᑫᑯᓇᓐ ᒪᒪᑲᑕᐱᑯᓐ ᑲᔦ ᑲᑭᑲᐧᑫᐧᑌᓯᒃ ᓂᑲᓐ ᒋᐅᑕᐱᓇᑲᓐ ᑕᐃᓇᑭᒋᑲᑌ ᐁᑭᑭᒧᑎᒡ.
• ᑲᐧᐃᓐ ᒋᓇᐱᐱᐊᒃ, ᒋᐧᐃᑯᐱᑐᒡ ᑫᒪ ᒋᐊᐸᒋᑐᒡ ᑫᑯᓇᓐ, ᒪᓯᓇᐃᑲᓇᓐ ᑫᒪ ᑯᑕᑭᔭᓐ ᑲᐊᔭᒪᑲᑭᓐ ᑲᑎᐯᑕᐧᑲᑭᓐ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑫᑯᓂᑯ ᐁᐧᐃᐅᓐᒋ ᐃᓇᐸᒋᑐᒡ ᑭᔥᐱᓐ ᐁᑕ ᒪᓯᓇᐃᑲᓀᓯᓂ ᐊᔭᒡ ᒋᑭᑐᑕᒃ.
• ᒋᐅᒋ ᑲᐧᑫᐃᔑᒋᑫᒡ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑲᑎᐯᓐᑕᒥᓂᒡ ᒪᒪᑲᑕᐱᑯ ᐊᐸᒋᑕᑲᓇᓐ ᒋᐅᒋ ᐱᑯᓇᒃ ᑲᐃᓇᑯᓂᑲᑌᓂᒃ ᐊᔭᐧᑲᒥᐃᔑᒋᑫᐧᐃᓇᓐ, ᐁᐅᒋᑲᐧᑫᐧᐊᐸᑕᑭᓐ ᑲᐃᔑᑲᓇᐧᐁᑕᐧᑲᑭᓐ ᐯᐸᑲᓐ ᐊᐧᐃᔭᒃ ᑲᐃᔑᐊᑌᓂᒃ ᐱᐧᐊᐱᑯᒃ ᐅᔑᐱᐃᑲᓇᓐ ᑫᒪ ᒋᐅᒋ ᑲᐧᑫᐧᐊᓂᔥᐧᑫᐱᑕᒪᑫᒡ.
• ᒋᐅᒋ ᐅᑕᐱᓇᑭᓐ ᐃᓀᑕᒧᐧᐃᓇᓐ, ᐅᔑᐱᐃᑲᓇᓐ ᑫᒪ ᒪᓯᓇᑭᓯᑲᓇᓐ ᐊᐧᐃᔭᒃ ᑲᑎᐱᓇᐧᐁᐧᐃᓯᐧᐊᒡ ᐊᐸᓐ ᒋᐃᔑᐧᐊᐸᑕᐃᐧᐁᒡ ᓂᓐ ᐃᓂ ᒋᐃᑭᑐᒡ. ᑲᐃᓇᑯᓂᑲᑌᒃ ᑎᐱᓇᐧᐁᐧᐃᓯᐧᐃᓇᓐ, ᑲᑭᓇ ᑲᐸᑭᑎᓂᑲᑌᑭᓐ ᐧᐃᓐᑕᒪᑫᐧᐃᓇᓐ ᑲᐅᓐᒋᒪᑲᑭᓐ ᐧᐃᓇᐧᐊ ᑎᐱᓇᐧᐁᐧᐃᐧᓯᐧᐊᒡ ᑲᑭᐅᔑᑐᐧᐊᒡ ᑫᒪ ᑲᑭᐅᔑᐱᐊᒧᐧᐊᒡ ᒥᑕᔥ ᐁᓇᑯᓂᑲᑌᒃ ᓂᑲᓐ ᒋᑲᐧᑫᒋᒥᐧᑕ ᒋᐊᐸᑕᓂᒃ ᒋᐧᐸ ᐊᐸᒋᒋᑲᑌᓂᑭᓐ. ᑭᔥᐱᓐ ᐊᐸᑕᑭᓐ ᐸᑲᓐ ᑲᐅᒋᑎᐯᑕᐧᑲᑭᓐ ᑫᑯᓇᓐ ᑲᔦ ᐱᓇᒪ ᓂᑲᓐ ᐁᑭᑲᐧᑫᐧᑌᓇᓂᐧᐊᒃ ᒋᑐᑕᒃ ᑕᑭᐅᓐᒋᐅᓇᑯᓇᑲᓂᐧᐃ.

5) ᑫᐃᔑᓇᑭᔥᑲᒃ ᑲᐱᑯᓂᑫᒡ

ᓄᒋᑯ ᑲᐃᓇᐸᒋᑐᒡ ᒪᒪᑲᑕᐱᑯ ᐊᐸᒋᑕᑲᓇᓐ ᑭᑭᓄᐊᒪᐧᐊᑲᓇᒃ ᑲᔦ ᐊᓄᑭᐊᑲᓇᒃ ᑕᐃᔑᓭᐧᐊᒃ ᒋᐅᓇᑯᓇᑲᓂᐧᐃᐧᐊᒡ ᑕᑯ ᑲᔦ ᐃᐃᒪ ᑎᐸᑯᓂᑫᐧᐃᓂᒃ ᒋᐅᒋ ᐸᐸᒥᓯᒡ ᑕᑯᓂᐧᐁᐧᐃᓂᓂ.

6) ᒪᒪᑲᑕᐱᑯᒃ ᑲᐧᐃᐊᑐᒡ ᑫᑯᓂ

ᐧᐃᓐᑕᒪᑫᐧᐃᓇᓐ ᑲᐸᑭᑎᓂᑲᑌᑭᓐ ᐃᐃᒪ ᒪᒪᑲᑕᐱᑯᒃ ᑭᒋᐸᑎᓐ ᐊᐧᐃᔭᒃ ᐅᑲᐅᓐᒋᐧᐊᐸᑕᓇᐧᐊ ᑲᑭᑫᓂᒪᓯᐧᑲ ᐃᓂ ᑲᑭᐊᑐᓂᒡ ᐧᐃᓐᑕᒪᑫᐧᐃᓂ. ᒥᑕᔥ ᐅᐅᐧᐁ ᐅᒋ, ᑭᒋᓀᑕᐧᑲᓐ ᒋᐅᓇᒋᑲᑌᒃ ᐱᒥᓂᔕᐃᑫᐧᐃᓐ ᒋᐧᐸ ᑲᐊᒋᑲᑌᒃ ᐧᐃᓐᑕᒪᑫᐧᐃᓐ ᒪᒪᑲᑕᐱᑯᒃ ᐃᐃᒪ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ.

• ᒪᒪᑲᑕᐱᑯᒃ ᑲᐅᒋᐸᑭᑎᓂᑲᑌᑭᓐ ᐧᐃᓐᑕᒪᑫᐧᐃᓇᓐ ᐃᐃᒪ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑭᑭᓄᐊᒪᑎᐧᐃᑲᒥᑯᒃ ᑕᐅᒋ ᐱᒥᓂᔕᐃᑲᑌᐧᐊᓐ ᑲᑭᓇ ᐅᑐᓇᑯᓂᑫᐧᐃᓂᐧᐊ ᑲᔦ ᑭᑭᓄᔥᑭᑫᐧᐃᓇᓐ.
• ᑲᐅᓐᒋ ᐊᓂᑫᐧᐃᑯᐱᒋᑲᑌᑭᓐ ᑫᑯᓇᓐ ᐃᐃᒪ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ  ᐧᐁᑎ ᐸᑲᓐ ᑲᑕᐧᑲᑭᓐ ᒪᒪᑲᑕᐱᑯᒃ ᑲᐅᒋᑭᓐ ᐧᐁᐧᐁᓂ ᑕᐱᒥ ᓇᓇᑲᒋᒋᑲᑌᐧᐊᓐ ᑲᔦ ᐯᔑᐧᑲᓐ ᑕᐃᔑᐱᒥᓂᔕᐃᑲᑌᐧᐊᓐ ᑲᐃᓇᑯᓂᑲᑌᒃ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ.
• ᐧᐁᐧᐁᓂ ᒋᐸᔭᑌᐧᐃᓐᒋᑫᒪᑲᒃ ᑲᐅᒋ ᒪᓯᓇᑌᐱᐃᑫᒪᑲᒃ ᑭᔥᐱᓐ ᐧᐃᐅᑕᐱᓂᑲᑌᒃ ᐧᐃᓐᑕᒪᑫᐧᐃᓐ ᑕᐱᔥᑯ ᒪᒪᑲᑕᐱᑯᒃ ᑲᐅᓐᒋᐧᐃᑯᐱᒋᑲᑌᑭᓐ.
• ᑲᐸᑭᑎᓂᑲᑌᑭᓐ ᐧᐃᓐᑕᒪᑫᐧᐃᓇᓐ ᒪᒪᑲᑕᐱᑯᒃ ᐧᐁᐧᐁᓂ ᒋᐃᔑᐱᐃᑲᑌᒃ ᑲᔦ ᒋᐊᐧᓇᒋᒧᒪᑲᓯᓄᒃ.
• ᑲᐧᐃᓐ ᑕᑕᑯᐱᐃᑲᑌᓯᐧᐊᓐ ᐸᒪ ᐁᑕ ᐃᑭᑐᐧᐊᒡ ᑲᔦ ᑲᐃᓇᑯᓂᑲᑌᒃ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑎᐱᓇᐧᐁ ᑎᐸᒋᒥᑯᐧᐃᓐ, ᑭᑭᑐᐧᐃ ᐊᑭᑕᓱᐧᐃᓐ, ᐅᒪᓯᓇᑭᓱᐧᐃᓐ ᑫᒪ ᑲᒪᒪᐧᐃ ᒪᓯᓇᑭᓱᐧᐊᒡ, ᐅᑐᔑᐱᐅᑎᓱᐧᐃᓐ.
• ᑲᐧᐃᓐ ᑕᑕᑯᐱᐃᑲᑌᓯᐧᐊᓐ ᐊᓂᓐ ᑲᐃᓇᑭᓱᒡ ᑭᓯᔅ, ᑎᐸᐃᑲᓐ ᑲᔦ ᐊᓐᑎ ᑲᑭᐃᓯᐧᐊᒡ ᒋᐅᒋ ᐊᔭᐧᑲᒥᓂᐧᑕ ᑭᑭᓄᐊᒪᐧᐊᑲᓇᒃ, ᑭᑭᓄᐊᒪᑎᐧᐃᑲᒥᒃ ᑫᒪ ᐊᓄᑭᐧᐃᑲᒥᒃ.
• ᒪᔭ ᑲᐅᓐᒋ ᓂᑲᓂᓯᒪᑲᒃ ᑭᑭᓄᐊᒪᑎᐧᐃᑲᒥᒃ ᐧᐃᓇᐧᐊ ᐅᑲᓇᐧᐊᐸᒥᑯᓇᐧᐊ ᑫᒋᓇᒡ ᑲᑭᓇ ᑫᑯᓇᓐ ᑲᐸᑭᑎᓂᑲᑌᑭᓐ ᒪᒪᑲᑕᐱᑯᒃ ᒪᔭ ᐁᑭᐅᓐᒋᒪᑲᒃ ᑲᑭᐅᒋᐅᔑᒋᑲᑌᒃ ᑲᔦ ᐊᓐᑎ ᑲᑭᐅᒋᐅᔑᒋᑲᑌᒃ ᑲᑎᐯᓐᑕᒃ ᒋᐸᔭᑌᐧᐃᓐᒋᑲᑌᒃ.
• ᑲᐧᐃᐸᑭᑎᓂᑲᑌᑭᓐ ᒪᒪᑲᑕᐱᑯᒃ ᐱᑯ ᑫᑯᓇᓐ ᐱᓇᒪ ᓂᑲᓐ ᑕᐅᓐᒋᐅᓀᒋᑲᑌ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑭᔥᐱᓐ ᒋᔕᐳᓂᑲᑌᒃ.
• ᑲᑭᓇ ᒪᒪᑲᑕᐱᑯ ᐸᑭᑭᓂᑲᓇᓐ ᑫᑯᓇᓐ ᑲᐊᒋᑲᑌᑭᓐ ᐊᓐᑕᐧᐁᑕᐧᑲᑭᓐ ᒋᐅᒋ ᐊᓂᑫᓯᒋᑲᑌᑭᓐ ᑲᐅᒋᐊᓄᑭᒪᑲᒃ ᒪᒪᑕᐱᒃ ᑲᐊᐸᑕᒃ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ.
• ᑲᑭᓇ ᒪᒪᑲᑕᐱᑯ ᐸᑭᑭᓂᑲᓇᓐ ᑲᐅᒋᐸᒥᓂᑲᑌᑭᓐ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ  ᑫᒪ ᑲᐅᓐᒋ ᐱᒥᑎᐸᐃᑲᑌᑭᓐ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑕᐃᓇᑭᓐᒋᑲᑌ ᐁᐅᓐᒋᑎᐯᓐᑕᐧᑲᒃ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ.

7) ᒪᓯᓇᐃᑫᓭᐧᐃᓐ

ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑲᐧᐃᓐ ᐃᐃᒪ ᑕᑭᐅᓐᒋ ᐸᑭᑎᓂᑲᑌᓯᐧᐊᓐ ᒋᐃᑭᑐᐧᐊᒡ ᐧᐃᓇᐧᐊ ᐁᐸᐸᒥᓯᐧᐊᒡ ᑲᐊᐸᑕᑭᓐ, ᑲᐃᑭᑐᒪᑲᑭᓐ, ᐅᓄ ᒪᒪᑲᑕᐱᑯ ᐊᐸᒋᑕᑲᓇᓐ ᑫᒪ ᑯᑕᑭᔭᓐ ᑲᐊᐸᑭᑕᓐ, ᑲᐱᒥ ᐊᐸᒋᒋᑲᑌᑭᓐ ᐅᓄ ᒪᒪᑲᑕᐱᑯ ᑫᑯᓇᓐ ᑲᔦ ᒥᓯᐧᐁ ᐱᑯ ᑲᐃᔑᐸᐸᒥᓯᒪᑲᑭᓐ ᒪᒪᑲᑕᐱᑯ ᐃᓇᐸᒋᒋᑫᐧᐃᓇᓐ ᑲᐃᔑᐊᒋᑲᑌᑭᓐ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ.