ᒍᓂᔪᕐ ᑲᐅᔥᑭ ᑭᑭᓄᐊᒪᐧᐃᐧᑕ

ᑭᔥᐱᓐ ᑭᓂᒐᓂᔅ ᓂᐅᐱᐳᓀᒡ ᐊᐱ ᒪᑯᔐᑭᔑᑲᓂᑭᓯᔅ 31, 2014, ᒥᐊᐱ ᑫᑭᒪᒋ ᑭᑭᓄᐊᒪᑯᓯᒡ ᒍᓂᔪᕐ ᐅᔥᑭ ᑭᑭᓄᐊᒪᑯᐧᐃᓂᒃ ᐊᐱ ᐧᐊᑌᐸᑲᐧᐃᑭᓯᔅ 2014. 

ᓯᓂᔪᕐ ᑲᐅᔥᑭ ᑭᑭᓄᐊᒪᐧᐃᐧᑕ

 ᑭᔥᐱᓐ ᑭᓂᒐᓂᔅ ᓇᓄᐱᐳᓀᒡ ᐊᐱ ᒪᑯᔐᑭᔑᑲᓂᑭᓯᔅ 31, 2014, ᒥᐊᐱ ᑫᑭᒪᒋ ᑭᑭᓄᐊᒪᑯᓯᒡ ᓯᓂᔪᕐ ᐅᔥᑭ ᑭᑭᓄᐊᒪᑯᐧᐃᓂᒃ ᐊᐱ ᐧᐊᑌᐸᑲᐧᐃᑭᓯᔅ 2014.

ᑫᑐᑕᒪᓐ ᐧᐃᐱᓐᑎᑫᐱᐧᐊᒡ

 ᒣᐧᑲ ᐊᐱ ᑲᑕᐧᑲᑭᓱᒡ ᑭᓯᔅ ᐃᔑ ᐱᓐᑎᑫᐱᐊᑲᓱᐧᐊᒃ ᑲᑭᓇ ᐅᔥᑭ ᑭᑭᓄᐊᒪᐧᐊᑲᓇᒃ ᐃᐃᒪ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑲᐧᐃᑕᔑ ᑭᑭᓄᐊᒪᐧᐃᐧᑕ. ᓂᐱᐅᒥᓐ ᑕᔥ ᒋᐱᒪᐧᐊᑎᔑᐧᐁᔭᓐ ᑲᔦ ᑭᓂᒐᓂᔅ.

1 ᑫᑐᑕᒪᓐ - ᓇᓇᑐᓇᓐ ᑲᐃᔑᑲᐯᔑᔭᓐ ᑲᑕᐧᑲᒃ ᑭᑭᓄᐊᒪᑎᐧᐃᑲᒥᒃ.

2 ᑫᑐᑕᒪᓐ - ᐃᔕᓐ ᑲᐃᔑᑲᐯᔑᔭᓐ ᑲᑕᐧᑲᒃ ᑭᑭᓄᐊᒪᑎᐧᐃᑲᒥᒃ ᑲᔦ ᐃᔑᐧᐃᑐᓇᓐ ᐅᓄ ᒪᓯᓇᐃᑲᓇᓐ:

• ᑲᐃᔑᑭᑭᓇᐧᐊᒋᐱᐃᑲᓱᒡ ᐊᐱ ᐁᔑᑎᐱᔥᑲᒃ (ᐅᓂᑕᐧᐃᑭᐧᐃᒪᓯᓇᐃᑲᓐ ᑫᒪ ᐊᓐᑕᑭᐧᐃᒪᓯᓇᐃᑲᓐ)
• ᑲᐃᔑᐅᔑᐱᐃᑲᑌᓂᒃ ᑲᐃᔑᑲᐯᔑᒡ (ᐊᓐᑕᐧᐁᒋᑲᑌᐧᐊᓐ ᓂᔑᓐ ᑭᑭᓇᐧᐊᒋᐱᐃᑲᓇᓐ ᐁᐅᔑᐱᐃᑲᑌᒃ ᑲᐃᔑᑲᐯᔑᔭᓐ, ᑕᐱᔥᑯ ᑭ ᑭᑭᑐᐧᐃ ᒪᓯᓇᐃᑲᓐ)
• ᑲᐃᔑᑭᑭᓇᐧᐊᒋᐱᐃᑲᑌᓂᒃ ᐅᒋᑕᐅᑯᐧᐃᓐ (ᒪᓯᓇᐃᑲᓂᒃ ᑲᐃᔑᓂᐱᑌᐱᐃᑲᑌᓂᒃ ᑕᐧᓴ ᑭᓂᒐᓂᔅ ᑲᒋᑕᐧᐊᑲᓂᐧᐃᒡ)
• ᑲᑭᑭᓇᐧᐊᒋᐱᐃᑲᑌᓂᒃ ᐊᐱ ᑲᑭᐱᔑᑕᑯᔑᒃ, ᑭᔥᐱᓐ ᑭᓂᒐᓂᔅ ᐁᑭᓂᑕᐧᐃᑭᓯᒃ ᐅᐅᒪ ᑲᓇᑕ ᐊᑭᒃ. ᑎᐯᓐᒋᑫᐧᐃᓇᓐ ᑲᐸᑭᑎᓂᐧᑕ ᓀᐱᒡ ᒋᐱᑲᐯᔑᐧᐊᒡ ᑫᒪ ᐅᑕᑭᒥᐧᐊᒃ ᑲᑭᐅᒋᒪᒋᐊᒧᐧᐊᒡ ᑕᑭᑐᑕᒧᒃ ᒋᐱᓐᑎᑫᐱᐧᐊᐧᐊᒡ ᐅᓂᒐᓂᓯᐧᐊᓐ. ᐊᐱᓄᒋᔕᒃ ᑲᐊᔭᓯᐧᑲ ᐊᓐᑕᑭᐧᐃ ᒪᓯᓇᐃᑲᓂ ᐱᓴᓂᑯ ᐅᐅᒪ ᑕᑭᐱ ᑭᑭᓄᐊᒪᑯᓯᐧᐊᒃ ᑲᔦ ᑲᐧᐃᓐ ᓂᑕᐃᔑᒋᑫᓯᒥᓐ ᒋᔑᑎᐸᒋᓇᔭᒃ ᑫᒪ ᐅᑎᓇᐧᐁᒪᑲᓇᐃ ᑲᐅᒋᓇᓇᑲᒋᐃᐧᑕ ᑲᐱᐊᓐᑕᑭᐧᐊᒡ. ᐊᐱ ᐧᐃᐱᓐᑎᑫᐱᐧᐊᐧᑕ ᑭᓂᒐᓂᓴᒃ, ᐃᔕᓐ ᒥᓯᐧᐁᑲᒥᒃ ᑲᐅᒋᐧᐊᒡ ᐅᐧᐃᒋᐃᑯᐧᐃᓂᐧᐊ ᑲᔦ ᐱᓐᑎᑫᐱᐅᑯᐧᐃᓇᓐ ᑲᑕᓇᓄᑲᑌᑭᓐ ᐅᐅᒪ 5050 Yonge Street, Toronto, ᐊᓐᑕᐧᐁᑕᒪᓐ ᐱᓐᑎᑫᐱᐅᑯᐧᐃ ᐅᔑᐱᐃᑲᓐ.

ᐧᐃᓐᑕᒪᑫᐧᐃᓐ: ᑲᐅᓂᑭᐃᑯᐧᐊᒡ ᐁᑕ ᑫᒪ ᑲᑲᓇᐧᐁᓂᒪᐧᐊᓱᐧᐊᒡ ᐅᑲᑭᐱᓐᑎᑫᐱᐧᐊᐧᐊᓐ ᐊᐱᓄᒋᔕᓐ ᐅᐅᒪ ᑭᑭᓄᐊᒪᑫᐧᐃᓂᒃ.

ᑯᑕᑭᔭᓐ ᐧᐃᓐᑕᒪᑫᐧᐃᓇᓐ

ᐃᓇᐱᓐ ᑲᐅᔥᑭ ᑭᑭᓄᐊᒪᐧᐃᐧᑕ ᐧᐃᓐᒋᑫᐧᐃᓇᓐ ᑲᔦ ᐊᐸᒋᑕᑲᓇᓐ ᐸᑭᑭᓂᑲᓂᒃ ᑫᔭᐱ ᐧᐃᑭᑫᓐᑕᒪᓐ ᑐᕋᓐᑐ ᑲᐃᑯᑎᐯᓐᑕᐧᑲᒃ ᑭᑭᓄᐊᒪᑫᐧᐃ ᐊᐱᑕᒪᑫᐧᐃᓂᒃ ᑲᐸᒥᓂᑲᑌᑭᓐ ᑲᐅᔥᑭ ᑭᑭᓄᐊᒪᐧᐃᓐᐧᑕ ᐊᓄᑭᐧᐃᓇᓐ, ᑕᑯ ᑲᔦ ᐧᐃᓐᑕᒪᑫᐧᐃᓇᓐ ᑫᐃᔑᒋᑫᔭᓐ ᑲᐃᔑᑲᐯᔑᔭᓐ ᑫᓂᔑᐧᑲᔭᒋᐊᒡ ᑭᓂᒐᓂᔅ ᐅᑭᑭᓄᐊᒪᑯᐧᐃᓂᒃ.

ᑭᒥᓴᐧᐁᓐᑕᓐ ᐃᓇ ᐁᐧᐃᐃᔑ ᐱᓐᑎᑲᓇᒡ ᐸᑲᓐ ᑭᑭᓄᐊᒪᑎᐧᐃᑲᒥᑯᒃ ᐱᒋᐧᐃᓐ ᐃᐃᒪ ᒪᔭ ᐯᔓ ᑲᐃᔑᑲᐯᔑᔭᓐ? ᐊᑭᓐᑕᓐ ᑲᐃᔑᐧᐃᓐᒋᑲᑌᒃ ᑲᐃᔑᐱᓐᑎᑫᐧᐊᒡ ᑭᑭᓄᐊᒪᐧᐊᑲᓇᒃ.

ᓇᓇᑕᐧᐃᑭᑫᓐᑕᓐ ᑲᐅᔥᑭ ᑭᑭᓄᐊᒪᐧᐃᓐᐧᑕ ᐸᐧᑲᐃᔑᒧᐧᐃ ᑭᑭᓄᐊᒪᑯᐧᐃᓇᓐ.

ᐃᔑᑭᑭᑐᓐ ᑭᑭᓄᐊᒪᑎᐧᐃᑲᒥᑯᒃ ᐧᐃᑭᑫᑕᒪᓐ ᐊᓂᓐ ᐊᐱ ᐁᔑᐱᓐᑎᑫᐱᐃᑲᓱᐧᐊᒡ ᑲᔦ ᐊᐱ ᑎᐸᐃᑲᓐ.