ᑲᐅᑭᒪᐧᐃᐧᐊᒡ / ᑲᐊᐱᑕᒪᑫᐧᐊᒡ
ᐅᐅᒪ ᑐᕋᓐᑐ ᑭᑭᓄᐊᒪᑫᐧᐃᓂᒃ ᑲᐊᐱᑕᒪᑫᐧᐊᒡ (TDSB), ᓂᔑᑕᓇᔑᓂᔑᓐ ᑫᐊᐱᑕᒪᑫᐧᐊᒡ ᑭᐅᑕᐱᓇᑲᓂᐧᐃᐧᐊᒃ ᒥᓯᐧᐁ ᐧᐊᑲᐃ ᑐᕋᓐᑐ ᐅᑌᓇᒃ ᒋᐅᒋ ᑲᑲᓄᒋᑫᑕᒪᐧᐊᐧᐊᒡ ᐊᐱᓄᒋᔕᒃ ᐅᑭᑭᓄᐊᒪᑯᐧᐃᓂᐧᐊ ᑲᔦ ᐧᐁᐧᐁᓂ ᒋᐃᔑᓭᐧᐊᒡ. ᐅᑯ ᑕᔥ ᑲᐊᐱᑕᒪᑫᐧᐊᒡ ᐊᐱᒋ ᑭᒋᓀᑕᑯᓯᐧᐊᒃ ᐧᐃᓇᐧᐊ ᐁᐅᒋ ᐧᐃᑕᓄᑭᒪᐧᐊᒡ ᑲᐃᔑ ᑲᑲᐯᔑᐧᐊᒡ ᑲᔦ TDSB ᑭᑭᓄᐊᒪᑎᐧᐃᑲᒥᑯᓐ ᐁᐅᒋ ᐱᒥᐧᐃᑕᓄᑭᒪᐧᐊᒡ ᑲᐅᓂᑭᐃᑯᒪᐧᐃᐧᐊᒡ ᑲᔦ ᑲᑲᓇᐧᐁᓂᒪᐧᐊᓱᐧᐊᒡ ᑲᔦ ᐁᐅᒋ ᒪᒪᐧᐃ ᑕᔑᓐᑕᒪᑎᐧᐊᒡ ᑫᑯᓇᓐ ᑲᒥᓄᓭᓯᓄᑭᓐ ᑲᔦ ᑫᑯᓇᓐ ᑲᑕᓀᑕᒥᐃᐧᐁᒪᑲᑭᓐ ᐁᓂᐊᓂᑫ ᑎᐸᒋᒧᑕᐧᐊᐧᐊᒡ ᒪᔭ ᑲᐊᐱᑕᒪᑫᐧᐊᒡ ᒋᐊᓂ ᐅᓀᑕᒧᐧᐊᒡ ᑫᐃᓇᒋᑫᓇᓂᐧᐊᒃ.
ᒥᐅᐧᐁᓂ ᑲᔦ TDSB ᑲᐃᔑᐊᐱᑕᒪᑫᐧᐊᒡ ᑕᑯ ᐁᐃᓇᓄᑭᐧᐊᒡ:
- ᐅᑐᓇᐸᑕᓇᐧᐊ ᑲᔦ ᐅᔕᐳᓇᓇᐧᐊ TDSB ᑭᑭᓄᐊᒪᑫᐧᐃ ᔓᓂᔭ;
- ᐅᑐᓀᑕᓇᐧᐊ ᑫᐃᓇᑌᓂᑭᓐ ᐅᓇᑯᓂᑫᐧᐃᓀᓴᓐ ᑲᔦ ᐱᒥᓂᔕᐃᑫᐧᐃᓇᓐ ᐊᓂᓐ ᐊᐧᐊᔑᒣ ᑫᐃᔑᒥᓄᓭᐧ ᐊᒡ ᑭᑭᓄᐊᒪᐧᐊᑲᓇᒃ;
- ᐅᑐᒋᐱᒥ ᓇᓇᑲᒋᑐᓇᐧᐊ ᐧᐁᐧᐁᓂ ᒋᔑᐱᒥᐧᐃᒋᑲᑌᓂᒃ ᑲᐃᔑᐱᒥ ᑭᑭᓄᐊᒪᐧᐃᐧᑕ ᑭᑭᓄᐊᒪᐧᐊᑲᓇᒃ; ᑲᔦ ᑕᔥ
- ᐅᑐᒋᐱᒥ ᐧᐊᐧᐃᑕᓄᑭᒥᑯᐧᐊᓐ ᐅᓐᑌᕆᐅ ᐅᑭᒪᓐ ᑫᒋᓇᒡ ᑭᑭᓄᐊᒪᑫᐧᐃᓂᒃ ᒪᔭ ᑲᐅᒋ ᓂᑲᓂ ᐊᐱᑕᒪ ᑫᐧᐊᒡ ᒋᐱᒥᓂᔕᐊᒧᐧᐊᒡ ᑲᑭᐃᓇᑯᓂᐧᑕ ᒋᐃᓇᓄᑭᐧᐊᒡ ᐅᓇᑯᓂᑫᐧᐃᓂᒃ ᑲᔦ ᔓᓂᔭᐧᐃ ᐸᒥᓂᑫᐧᐃᓂᒃ.
ᑫᔭᐱ ᐊᐧᐊᔑᒣ ᑲᑭᓇᓇᑕᐧᐃᑭᑫᑕᓐ ᐧᐁᓀᓇᒃ ᐃᑭ ᐊᐱᑕᒪᑫᐧᐃᓂᒃ ᐁᓇᓄᑭᐧᐊᒡ ᒋᐃᓇᐱᔭᓐ ᒪᒪᑲᑕᐱᑯᒃ ᑫᒪ ᐃᔑᑭᑭᑐᓐ ᐅᐅᒪ 416-395-8787.