ᐃᐃᒪ ᑲᐊᑲᔑᔑᐧᐊᒡ ᑭᑭᓄᐊᒪᐧᐊᑲᓇᒃ ᑭᑭᓄᐊᒪᑎᐧᐃᑲᒥᑯᒃ, ᑭᓂᒐᓂᔅ ᑕᑭᑭᓄᐊᒪᐧᐊᑲᓂᐧᐃ ᒋᑭᑫᑕᒃ ᓂᓯᑐᑕᑎᐧᐃᓐ ᑲᔦ ᐊᑭᑕᓱᐧᐃᓇᓐ ᑫᑭᐊᓄᒋ ᑲᔥᑭᐅᒡ ᒣᐧᑲ ᑭᐱᒥ ᑭᑭᓄᐊᒪᑯᓯᒡ ᐱᓂᔥ ᐧᐁᑎ ᐊᓂᓂᑲᓐ. ᑕᐱᒥ ᑭᑭᓄᐊᒪᐧᐊᑲᓂᐧᐃ ᐅᓄ ᒪᔭ ᑫᑯᓇᓐ ᒣᐧᑲ ᑭᐱᒥ ᐊᑲᔑᔑᒡ ᒋᐊᓂ ᐧᐃᒋᐃᑯᐧᐊᒡ ᑭᑭᓄᐊᒪᐧᐊᑲᓇᒃ ᒋᐊᓂᑭᑫᑕᓱᐧᐊᒡ ᑲᔦ ᒋᑭᒋᓀᑕᒧᐧᐊᒡ ᐅᑭᑭᓄᐊᒪᑯᐧᐃᓂᐧᐊ.

ᑭᒋᓀᑕᐧᑲᓐ ᒣᐧᑲ ᐃᐃᒪ ᑭᑭᓄᐊᒪᑎᐧᐃᑲᒥᑯᒃ ᒋᑕᔑᐱᒥ ᑭᑭᓄᐊᒪᑯᓯᐧᐊᒡ, ᑲᐊᑲᔑᔑᐧᐊᒡ ᑭᑭᓄᐊᒪᐧᐊᑲᓇᒃ ᑲᑕᔑᑭᑭᓄᐊᒪᑯᓯᐧᐊᒡ ᐊᐱᒋ ᒋᑫᓐᑕᐧᑲᓂ ᐊᐱᓄᒋᔥ ᐅᐱᒪᑎᓯᐧᐃᓂᒃ ᐊᓂᔥ ᐁᐅᔥᑭᓇᑭᔥᑲᑭᓐ ᑫᑯᓇᓐ ᐸᔑᒡ ᐧᐁᑎ ᐅᑭᑭᓄᐊᒪᑯᐧᐃᓂᒃ. ᑭᔥᐱᓐ ᐁᐅᑕᐱᓇᒃ ᑲᐃᔥᐧᑲ ᑭᑭᓄᐊᒪᐧᐃᐧᑕ ᑐᒋᑫᐃᑯᐧᐃᓇᓐ ᑫᒪ ᐅᑕᒥᓄᐧᐃᓇᓐ, ᐸᑎᓇᑐᓐ ᑫᑭᑐᑕᒧᐧᐊᐸᓐ ᑭᑭᓄᐊᒪᐧᐊᑲᓇᒃ ᐃᐃᒪ ᐅᑭᑭᓄᐊᒪᑯᐧᐃᓂᐧᐊᒃ ᑫᐅᒋᒪᒥᐧᓀᑕᒧᐧᐊᒡ.

ᐅᓂᑭᐃᑯᒪᒃ ᑫᐧᐃᓇᐧᐊ ᑭᒋᓀᑕᑯᓯᐧᐊᒃ ᒋᐧᐊᐧᐃᑐᑲᑫᐧᐊᒡ ᒣᐧᑲ ᐊᐱ ᐅᐅᐧᐁ ᑭᐱᒥ ᑭᑭᓄᐊᒪᑯᓯᓂᒡ ᐅᓂᒐᓂᓯᐧᐊ ᑲᔦ ᑕᔥ ᑭᓇᑕᐧᐁᓂᒥᑯᓇᐧᐊ ᒋᑭᑫᓐᑕᒣᒃ ᑫᑯᓇᓐ ᑫᒋᓇᒡ ᑭᓂᒐᓂᔅ ᒋᑭᐊᓄᒋ ᐱᒋᓂᑲᔥᑭᐅᒡ ᐅᑭᑭᓄᐊᒪᑯᐧᐃᓂᒃ. ᑭᑕᔑᑫᐧᐃᓂᒃ ᑭᑭᓄᐊᒪᑎᐧᐃᑲᒥᑯᒃ ᐊᓄᑭᐊᑲᓇᒃ ᐊᔭᐧᐊᒃ ᒋᐧᐃᑐᑲᐧᐃᐧᑲ ᒋᐧᐃᓐᑕᒪᐧᐃᐧᑲ ᑫᑯᓇᓐ ᐧᐃᑭᑫᑕᒪᓐ. ᑭᐧᐃᑭᑫᓐᑕᓐ ᐃᓇ ᐊᓂᓐ ᑫᑭᐃᔑᐸᐸᒥᓯᔭᐸᓐ? ᓂᑭᐅᔑᑐᒥᓐ ᐊᐸᒋᑕᑲᓇᓐ ᒋᑭᑭᓄᐧᐃᓂᑯᔭᓐ ᑫᑐᑕᒪᓐ.