Toronto District School Board
Toronto District School Board

Caring and Safe Schools

ᑲᑲᓇᐧᐁᑕᐧᑲᒃ ᒋᐱᓴᓂᓭᑭᓐ ᑭᑭᓄᐊᒪᑎᐧᐃᑲᒥᑯᓐ

ᐅᐅᒪ ᑭᑭᓄᐊᒪᑫᐧᐃᓂᒃ ᑲᐅᒋᐸᓇᒧᐧᐊᒡ ᐅᐱᒥᐊᓄᑲᑕᓇᐧᐊ ᐧᐁᐧᐁᓂ ᒋᔑᓭᒪᑲᓂᑭᓐ ᑭᑭᓄᐊᒪᑎᐧᐃᑲᒥᑯᓐ ᒋᐱᓴᓀᑕᐧᑲᑭᓐ ᑲᔦ ᒋᑕᔑᒪᓇᑌᓂᒥᑎᓇᓂᐧᐊᒃ ᑫᑭᐅᒋ ᐧᐃᑐᑲᑯᐧᐊᒡ ᑲᑭᓇ ᑭᑭᓄᐊᒪᐧᐊᑲᓇᒃ ᒋᐱᒋᓂᔥᑲᐧᐊᒡ ᐅᐱᒥ ᑭᑭᓄᐊᒪᑯᐧᐃᓂᐧᐊᒃ.

ᐧᐁᐧᐁᓂ ᑲᐱᒥᐃᔑᓭᒃ ᑭᑭᓄᐊᒪᑫᐧᐃᓂᒃ, ᑲᑭᓇ ᐃᐃᒪ ᑭᑭᓄᐊᒪᑎᐧᐃᑲᒥᑯᒃ ᑲᐊᔭᐧᐊᒡ ᐅᓐᒋᐱᓴᓀᓂᒧᐧᐊᒃ ᑕᑯ ᑲᔦ ᐁᒥᓄᑲᓇᐧᐊᐸᒥᑎᓇᓂᐧᐊᒃ ᒋᑕᐧᑲᓯᓄᒃ ᑫᐅᒋ ᒪᓀᑕᒥᐃᑎᓇᓂᐧᐊᒃ. ᒥᑕᔥ ᐁᑐᒋᑲᑌᒃ ᑕᓱᐊᔭᐧᐊᓯᐱᐳᓐ, ᑭᑭᓄᐊᒪᑫᐧᐃᓂᒃ ᑲᐊᐱᑕᒪᑫᐧᐊᓂᒡ ᐅᐸᑭᑎᓇᓇᐧᐊ ᑭᑭᓄᐊᒪᑫᐧᐃᓂᒃ ᑲᐧᑫᒋᒥᐧᐁᐧᐃᓇᓐ ᑭᑭᓄᐊᒪᑎᐧᐃᑲᒥᑯᓐ ᐁᐧᐃᑲᐧᑫᒋᒥᐧᑕ ᑭᑭᓄᐊᒪᐧᐊᑲᓇᒃ, ᐊᓄᑭᐊᑲᓇᒃ ᑲᔦ ᐅᓂᑭᐃᑯᒪᑲᒃ ᐊᓂᓐ ᐁᓀᑕᒥᐃᑯᐧᐊᒡ ᑭᑭᓄᐊᒪᑎᐧᐃᑲᒥᑯᒃ. ᒥᐃᒪ ᑫᐅᒋ ᑭᑫᓐᑕᒪᒃ ᑲᑭᐃᔑ ᓇᓇᐧᑫᒋᑫᐧᐊᒡ ᐊᓂᓐ ᑫᑭᐊᓂᔑ ᐅᔑᓯᒋᑫᓇᓂᐧᐊᒃ ᑫᑯᓇᓐ ᑕᐱᔥᑯ ᐧᐃᑐᑲᑫᐧᐃᓇᓐ ᒋᓇᑲᔥᑭᑲᓂᐧᐊᒃ ᑭᒪᓀᓂᒥᑎᓇᓂᐧᐊᒃ ᑲᔦ ᒋᐱᓴᓀᑕᐧᑲᑭᓐ ᑭᑭᓄᐊᒪᑎᐧᐃᑲᒥᑯᓐ.

ᒥᑕᔥ ᑫᑐᒋᑲᑌᒃ ᐧᐁᐧᐁᓂ ᒋᔑᐱᒥᐧᐃᒋᑲᑌᒃ ᑭᑭᓄᐊᒪᑫᐧᐃᓐ, ᐸᑎᓇᑐᓐ ᑲᑭᐅᓇᑐᔭᑭᐸᓐ ᑫᐅᒋ ᓇᑲᓂᑲᓂᑌᑭᓐ ᑫᐅᒋ ᒪᔑᓭᓯᐧᑲ ᑭᑭᓄᐊᒪᐧᐊᑲᓇᒃ ᒣᐧᑲ ᑭᐱᒥ ᑭᑭᓄᐊᒪᑯᓯᐧᐊᒡ ᑲᔦ ᑯᑕᑭᔭᓐ ᐊᔭᐧᑲᒥᒋᑫᐧᐃᓇᓐ. ᐊᑭᓐᑕᓐ ᑲᑭᐅᔑᐱᐃᑲᑌᑭᓐ ᑭᔥᐱᓐ ᑫᔭᐱ ᐧᐃᑭᑫᑕᒪᓐ ᓂᑕᔭᐧᑲᒥ ᑲᓇᐧᐁᒋᑫᐧᐃ ᐅᓇᒋᑫᐧᐃᓇᓂᓐ.

ᑲᑭᓇ ᑲᑭᑭᓄᐊᒪᑯᓯᐧᐊᒡ ᐅᓐᒋᐱᒥᑲᓇᐧᐁᓐᑕᑯᓯᐧᐊᒡ ᐊᐱᑕᒪᑫᐧᐃ ᐅᓇᑯᓂᑫᐧᐃᓇᓐ ᑫᐱᒥᓂᔕᐊᒧᐧᐊᒡ ᑲᔦ ᐸᑯᓭᓐᑕᑯᓯᐧᐊᒡ ᒋᒪᓇᑌᓐᑕᒧᐧᐊᒡ ᐯᒪᑎᓯᒡ ᐅᒪᔥᑲᐧᐃᓯᐧᐃᓐ ᑲᔦ ᑕᐱᑕᐧᐃ ᑲᓇᐧᐊᐸᒥᑎᐧᐃᓐ.

ᐊᐧᐊᔑᒣ ᐧᐃᑭᑫᑕᒪᓐ

ᐊᑭᓐᑕᓐ ᑲᐧᐊᐧᐃᓐᒋᑫᒪᑲᒃ ᑭᑭᓄᐊᒪᑎᐧᐃᑲᒥᑯᒃ ᑲᐱᓴᓀᑕᐧᑲᒃ ᑲᔦ ᑕᔑᑫᐧᐃᓂᒃ ᑲᐅᒋᐧᐃᑐᑭᑲᑌᒃ ᑎᐸᒋᒧᐧᐃᓐ ᑲᑭᐧᐃᓐᒋᑲᑌᑭᐸᓐ ᐊᓂᓐ TDSB ᑭᑭᓄᐊᒪᑫᐧᐃᓂᒃ ᑲᐊᐱᑕᒪᑫᐧᐊᒡ ᑫᑭᐃᔑ ᒪᒥᐧᓇᑐᐧᐊᐸᓐ ᑫᐃᔑᐱᓴᓂᓭᐧᐊᒡ ᑲᔦ ᑲᓇᐧᐁᑕᑯᓯᐧᐊᒡ ᑲᑭᑭᓄᐊᒪᑯᓯᐧᐊᒡ ᑲᔦ ᐊᓄᑭᐊᑲᓇᒃ, ᒥᓇᐧᐊ ᑕᔥ ᐊᓄᑭᐊᑲᓇᒃ ᑕᑲᐧᑫᒋᒪᑲᓂᐧᐃᐧᐊᒃ ᐊᓂᑕᐧᑲᑭᓂᒃ 2015 ᑲᐃᓂᐧᑕ ᒋᐊᐸᒋᑐᐧᐊᒡ ᑲᑎᐸᒋᒧᓇᓂᐧᐊᒃ ᒋᐧᐸ ᑲᔦ ᑲᐃᔥᐧᑲ ᐃᔑᓭᒃ ᑫᑯᓐ ᑭᑭᓄᐊᒪᑎᐧᐃᑲᒥᑯᒃ.

ᒣᐧᑲ ᐊᐱ ᐧᐊᑌᐸᑲᐧᐃᑭᓯᔅ ᑫᑲ ᑲᐊᓂᐃᔥᐧᑲᐊᑭᓱᒡ ᓂᔓᑕᐧᐊᑌ TDSB ᐸᑭᑎᓂᑲᑌ ᐁᐱᒥᑐᒋᑲᑌᒃ ᒋᐧᐃᓐᑕᐧᑲᓂᐧᐊᒃ ᑭᑭᓄᐊᒪᑎᐧᐃᑲᒥᑯᓐ ᒋᐱᓴᓂᓭᒪᑲᑭᓐ. ᒣᐧᑲ ᐊᐱ ᐅᐅᐧᐁ ᑲᐱᑐᒋᑲᑌᒃ ᐧᐊᐸᑕᐃᐧᐁᓇᓂᐧᐊᓐ ᒥᓄᐧᐃᒋᐧᐃᑎᐧᐃᓐ ᒋᐊᔭᒪᑲᒃ ᑲᔦ ᒥᓄᐧᐃᑕᓄᑭᒥᑎᐧᐃᓐ ᑫᑭᐅᒋ ᒥᓄᔥᑲᒪᑲᑭᓐ ᑭᑭᓄᐊᒪᑎᐧᐃᑲᒥᑯᓐ.

ᐃᓇᐱᓐ ᑲᔦ ᑲᐃᔑᓇᑯᓯᓇᓂᐧᐊᒃ ᒋᐅᒋᒪᓀᓂᒪᑲᓂᐧᐃᓯᒃ ᓇᑲᓂᑫᐧᐃᓐ ᑫᒪ ᑲᓇᑲᓂᑲᑌᒃ ᒪᔑᑐᑕᑫᐧᐃᓐ ᑭᑭᓄᐊᒪᑎᐧᐃᑲᒥᑯᓐ ᐊᐧᐊᔑᒣ ᐧᐃᑭᑫᑕᒪᓐ ᐊᓂᓐ ᑫᑭᐃᔑ ᒥᓄᔥᑲᒪᑲᑭᐸᓐ ᐧᐃᑕᓄᑭᒥᑎᐧᐃᓐ ᑭ ᑭᑭᓄᐊᒪᑎᐧᐃᑲᒥᑯᓇᓐ.

ᑭᓇᑕᐧᐁᑕᓐ ᐃᓇ ᐁᐧᐃᑕᐧᑭᔭᓐ ᑲᑲᓇᐧᐁᑕᐧᑲᒃ ᒋᐱᓴᓂᓭᒃ ᑭᑭᓄᐊᒪᑎᐧᐃᑲᒥᑯᒃ ᑲᐃᔑᐊᐱᑕᒪᑫᐧᐊᒡ? ᐧᐃᓐᑕᒪᐤ ᑭᑭᓄᐊᒪᑫᐧᐃᒪ.

ᐊᑭᓐᑕᓐ ᑲᑭᐅᔑᐱᐃᑲᑌᑭᓐ ᐅᓇᑯᓂᑫᐧᐃᓀᓴᓐ ᑲᔦ ᐱᓂᒥᔕᐃᑫᐧᐃᓇᓐ ᑫᐅᒋᐧᐃᒋᐃᐧᐁᒪᑲᒃ ᒋᐱᓴᓂᓭᑭᓐ ᑭᑭᓄᐊᒪᑎᐧᐃᑲᒥᑯᓐ ᐅᐅᒪ ᑲᐸᒥᓂᑲᑌᑭᓐ TDSB. ᑫᒪ ᐊᓐᑭᑕᓐ ᑲᐃᔑᐅᔑᐱᐃᑲᑌᑭᓐ ᑭᑭᓄᐊᒪᑎᐧᐃᑲᒥᑯᓐ ᑲᐱᓴᓂᓭᑭᓐ ᑕᓱᐱᐳᓐ ᑲᐸᑭᑎᓂᑲᑌᒃ ᑎᐸᒋᒧᐧᐃᓐ ᒋᑭᑫᑕᒪᓐ ᐊᓂᓐ ᐁᔑᐱᒥᐊᓄᑭᓇᓂᐧᐊᒃ.

ᑭᐧᐃᑭᑫᓐᑕᓐ ᐃᓇ ᐊᓂᓐ ᐁᓇᓄᑲᑌᒃ ᑭᐧᐁᓂᔕᐅᐧᐁᐧᐃᓐ ᑲᔦ ᓴᑭᑕᑯᓂᐧᐁᐧᐃᓐ? ᐃᓇᐱᓐ ᐃᐃᒪ ᐅᓇᑯᓂᑫᐧᐃᓀᓴᓐ ᑲᔦ ᐱᒥᓂᔕᐃᑫᐧᐃᓇᓐ ᑲᐅᔑᐱᐃᑲᑌᒃ.

ᑭᑕᔭᓐ ᐃᓇ ᑫᑯᓐ ᐁᒥᑯᔥᑲᑌᑕᒪᓐ ᑫᒪ ᑫᑯᓐ ᐁᐧᐃᑲᐧᑫᑌᔭᓐ. ᐃᓇᐱᓐ ᐃᐃᒪ ᑲᐅᔑᐱᐃᑲᑌᒃ ᐅᓂᑭᐃᑯᒪᒃ ᐅᐧᐃᓐᑕᒪᑯᐧᐃᓇᓐ, ᑲᐧᑫᒋᒻ ᑭᑭᓄᐊᒪᑫᐧᐃᑭᒪ ᑫᒪ ᑲᐱᒥ ᑭᑭᓄᔥᑲᐧᐊᒡ ᑭᑭᓄᐊᒪᐧᐊᑲᓇᓐ ᑫᒪ ᑲᓄᔥ ᑲᑕᐧᑭᒡ ᒋᐱᓴᓂᓭᒃ ᑭᑭᓄᐊᒪᑎᐧᐃᑲᒥᑯᒃ ᑲᐃᔑᐊᐱᑕᒪᑫᐧᐊᒡ.

© 2014 Toronto District School Board  |  Terms of Use  |  CASL